Słowjenska

Słowjenska (słowjensce Slovenija) je mały njewotwisny stat w srjedźnej Europje z 2,1 milionom wobydlerjow a čłon Europskeje unije wot 1. meje 2004. Mjezuje z Jadranskim morjom a Italskej na zapadźe, z Awstriskej na sewjeru, z Madźarskej na sewjerowuchodźe a z Chorwatskej na juhu.

46.1515.05

Republika Słowjenska

zakładne daty:
swójske mjeno	Republika Slovenija
stolica	Ljubljana
přestrjeń	20.273 km²
wobydlerstwo	2.126.324 (2024)
hustosć	104,9 wob./km²
forma knježerstwa	republika
hłowa stata	statna prezidentka Nataša Pirc Musar (wot 2022)
šef knježerstwa	ministerski prezident Robert Golob (wot 2022)
měna	euro
hamtska rěč	słowjenšćina
připóznate mjeńšinowe rěče	italšćina, madźaršćina
hymna	Zdravljica
časowe pasmo	UTC+1
njewotwisnosć	25. junija 1991 wot Juhosłowjanskeje
Top Level Domain	.sl
telefon	+386
awtowa značka	SLO
Połoženje Słowjenskeje w Europje
Karta
p • d • w

Geografija

Stolica a najwjetše město Słowjenskeje je Ljubljana. Słowjenska so rozpřestrěwa mjez Jadranskim morjom a Panonskej płoninu, mjez Julijskimi Alpami a Balkanom. Jeje najwyši wjeršk je Triglav (2864 m), kotryž je symbolisce na słowjenskej chorhoji zwobraznjeny.

Města

Z wulkim wotstawkom najwjetše město Słowjenskeje je stolica Ljubljana z 298.000 wobydlerjemi. Druhe słowjenske wulkoměsto je Maribor na wuchodźe ze 113.000 wobydlerjemi. Dalše nadregionalnje wažne města su Kranj wosrjedź kraja (57.000), Koper při morju (54.000) a Celje mjez Ljubljanu a Mariborom (50.000).

Politika

Něhdyša dźělna republika Juhosłowjanskeje je wot lěta 1991 njewotwisna, słuša wot 1. meje 2004 k Europskej uniji a wot 1. januara 2007 k europasmu.