Čěšćina
zapadosłowjanska rěč / From Wikipedia, the free encyclopedia
Čěšćina (čeština) je zapadosłowjanska rěč, kotraž so hłownje wot Čechow rěči. Wona je najbóle přiwuzna słowakšćinje, z kotrejž twori zhromadnu podskupinu zapadosłowjanskich rěčow a nimo toho serbšćinje, pólšćinje a kašubšćinje. Čěska rěč słuša k słowjanskim rěčam w swójbje indoeuropskich rěčow.
kraje | Čěska, Słowakska | |||
rěčnicy | 12 milionow | |||
znamjenja a klasifikacija | ||||
---|---|---|---|---|
klasifikacija | Indoeuropske rěče
| |||
družina pisma | łaćonski alfabet | |||
oficielny status | ||||
hamtska rěč | Čěska | |||
rěčne kody | ||||
ISO 639-1: |
cs | |||
ISO 639-2: | (B) cze | (T) ces | ||
ISO 639-3 (SIL): | ||||
wikipedija | ||||
| ||||
Čěsce rěči cyłkownje wokoło dwanaće milionow ludźi, z toho w Čěskej samej něhdźe dźesać milionow a nimo toho tež w Słowakskej, Zjednoćenych statach Ameriki, Kanadźe, Němskej, Awstriskej, Awstralskej, na Ukrainje a w druhich krajach.
Čěšćina a słowakšćina stej mjez sobu derje zrozumliwej. Pisomnje datej so wobě rěči najjednorišo přez pismiki ř, ě a ů rozeznawać, kotrež jeničce w čěšćinje eksistuja, nic pak w słowakšćinje. Porno tomu ma tuta pismiki ä, ô, ľ, ĺ a ŕ, kotrež čěšćina njeznaje.