From Wikipedia, the free encyclopedia
Ագնի (ռուս.՝ Агни́ ), կրակի, տան, զոհաբերության հնդկական Աստված։ Երկրային աստվածներից գլխավորը, որի հիմնական գործառույթը աստվածների և մարդկանց միջև միջնորդությունն է։ Ագնիի օրհներգը, որով սկսվում է Ռիգվեդան, գովաբանում է Ագնիին՝ որպես միջնորդ աստված և մարդկանց մեջ որպես անմահ հյուրի, մեծահոգի բարեխոս և պաշտպան մարդկանց դևերից, աղքատությունից և սովից։ Արդեն Ռիգվեդայում նա ներկայացված է մարդկային հատկանիշներով՝ Ագնի-խոհարար և քահանա, ով կատարում է ծիսակատարություն։ Ագնին Ռիգվեդայում ներկայացված է որպես զոհաբերություն ստացող, ինչպես նաև, ով զոհաբերություն է մատուցում այլ դևերին։ կրոնական-էպիկական ստեղծագործությունները՝ Պուրաններ և Մահաբհարաթա, ավելի են մարդեղենացնում Ագնիին։ Ավելի ուշ նրա ազդեցությունը նվազում է. այն դառնում է հարավ-արևելքում տիրող ութ աստվածներից մեկը։ Նկարներում Ագնին պատկերված է երեք ոտքերով, երկգլխանի տղամարդ է՝ վեց աչքերով, չորս եղջյուրներով, կարմիր հագուստով։ Դրոշը կրակոտ է, իսկ նրան ուղեցկում է կենդանի՝ գառի տեսքով։ Այդ մարդակերպությունը կարևոր դեր ունի դիցաբանության մեջ։ Ծիսակատարություններում Ագնին հանդես է գալիս կրակի տեսքով։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.