Ակոբ Նկարող

Ակոբ (Ակոբ Նկարող, ծննդյան և մահվան թվականները անհտայտ), XVI դարի քանդակազարդող հայ վարպետ։

Ակոբ Նկարող
Ծնվել է	անհայտ
Մահացել է	անհայտ[1]
Ազգություն	հայ
Մասնագիտություն	քանդակագործ

Ստեղծագործություններ

Նրա ստեղծագործությունները (1526-1549) պահպանվել են Սյունիքի մարզի Անգեղակոթ գյուղում։ 4 տապանաքար գտնվում է գերեզմանատանը, մի նշանավոր տոհմի գերդաստանի ննջեցյալների վրա (որոնցից Փիրնտարը, իր կենդանության օրոք, վերաշինել է ավերված գյուղը)։

Տապանաքարերին Ա քանդակել է որսի և ուրախության տեսարաններ, մեկը թվագրել է ՋՀԵ (1526), իսկ Փիրնտարինը՝ ՋՂԸ (1549, խաչքա­­րը գերեզմա­նո­ցից տեղափո­խել են Սիսիան) և ստորագրել Ակոբ։ Աչքի են ընկնում ճոխ ու նուրբ քանդակներով նրա երկու խաչքարերը, որոնցից մեկը Ս. Աստվածածին եկեղեցու մոտ է, ստորագրված՝ Ակոբ Նկարող, թվագրված՝ ՋՂԸ (1549), մյուսն ագուցված է Ս. Ստեփանոս եկեղեցու պատի մեջ, թվագրված՝ ՋՂԸ (1549)։

Ծանոթագրություններ

1. Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 228)։