Աղավնավանք (Տավուշի մարզ) - Wikiwand
For faster navigation, this Iframe is preloading the Wikiwand page for Աղավնավանք (Տավուշի մարզ).

Աղավնավանք (Տավուշի մարզ)

Վիքիպեդիայից՝ ազատ հանրագիտարանից

Գյուղ
Աղավնավանք
Աղավնավանքը
Երկիր
 
Հայաստան
ՄարզՏավուշ
ԳյուղապետՎարդան Գրիգորյան
Այլ անվանումներմինչև 1991Սալահ
Մակերես22.6 կմ²
ԲԾՄ1100 մ
Կլիմայի տեսակմերձարևադարձային
Պաշտոնական լեզուՀայերեն
Բնակչություն282[1] մարդ (2008)
Ազգային կազմՀայեր
Կրոնական կազմՀայ Առաքելական եկեղեցի
Տեղաբնականունաղավնավանքցի
Ժամային գոտիUTC+4
Փոստային ինդեքս4004
Պաշտոնական կայքtavush.mtad.am/about-communities/702/ (հայ.)
##Աղավնավանք (Տավուշի մարզ) (Հայաստան)
Red pog.png

Աղավնավանք, գյուղ Հայաստանի Տավուշի մարզում, նախկին Իջևանի շրջանի հարավարևելյան մասում, մարզկենտրոնից 32 կմ հարավ-արևմուտք,Երևանից՝ 130 կմ, Գետիկ գետի ստորին հոսանքի աջափնյակում[2]։ Գյուղի մակերեսը 22,6 կմ քառակուսի է։ Ծովի մակերևույթից բարձրությունը 1100 մ է։ Գտնվում է բարեխառն գոտում՝ ամռանը միջին ջերմաստիճանը + 19 C է, ձմռանը՝ -3 C։

Պատմություն

Հիմնադրվել է 1950-ական թթ.-ին ապաբնակեցված Գոգարչին գյուղի վերաբնակիչների համար։ Մինչև 1988 թվականը գյուղը բնակեցված է եղել ադրբեջանցիներով և կոչվել է Սալահ։ Հետագայում այստեղ վերաբնակեցվել են Ադրբեջանից բռնագաղթված հայերով։ Կան հավաստի պատմական տվյալներ, որ մինչև մոնղոլ-թաթարական արշավանքները այս տարածքը ևս բնակեցված է եղել հայերով, որի վառ ապացույցներն են միջնադարյան եկեղեցին, խաչքարերն ու այլ շինություններ։

Բնակչություն

Աղավնավանքի ազգաբնակչության փոփոխությունը.[3]

Տարի 1970 1979 1989 2001 2004 2012
Բնակիչ 934 918 302 417 287 289

Տնտեսություն

Բնակչությունը զբաղվում է անասնապահությամբ, հացահատիկի, կարտոֆիլի և կերային կուլտուրաների մշակությամբ։

Պատմամշակութային կառույցներ

Գյուղից 2 կմ հյուսիս-արևելք գտնվում է “Անապատ” գմբեթավոր վանքը (XI-XII դարեր), իսկ 10 կմ հյուսիս՝ “Աղավնուտ” գյուղատեղին (XIV-XVII դարեր)։ Եկեղեցին ունի նաև 2-րդ անվանումը՝ Ախնաբաթ կամ Հախնաբաթ։ Դրա հետ կապված կա ժողովրդական մի ավանդազրույց, ըստ որի Նաբաթ անունով մի գեղեցկուհու անհույս սիրահարված հայ իշխաններից մեկը ի հիշատակ իր սիրո կառուցել է տալիս եկեղեցին, ինքնասպան լինում և վերջին պահին կանչում է «Ա՛խ Նաբաթ»։

Պատկերասրահ

  • Գյուղի մատուռը
    Գյուղի մատուռը
  • Գյուղի խմելու ջրի աղբյուրը և Յուրա Սամվելյանի հիշատակին կանգնեցված խաչքարը
    Գյուղի խմելու ջրի աղբյուրը և Յուրա Սամվելյանի հիշատակին կանգնեցված խաչքարը
  • Գյուղի դպրոցի շենքը
    Գյուղի դպրոցի շենքը

Տես նաև

Ծանոթագրություններ

  1. Տավուշի մարզի մարդահաշիվ (անգլ.)
  2. Ա. Ա. Ասլանյան, Հ. Ղ. Գրգեարյան (1981)։ Հայկական ՍՍՀ աշխարհագրական անունների համառոտ բառարան։ Երևան: ՀՍՍՀ ԳԱ հրատարակչություն։ էջ 167 
  3. «Հայաստանի հանրապետության բնակավայրերի բառարան, էջ 13»։ Արխիվացված է օրիգինալից 2014-09-12-ին։ Վերցված է 2014 Մայիսի 15 
{{bottomLinkPreText}} {{bottomLinkText}}
Աղավնավանք (Տավուշի մարզ)
Listen to this article