Անտառային գերեզմանատուն (Տալլին) - Wikiwand
For faster navigation, this Iframe is preloading the Wikiwand page for Անտառային գերեզմանատուն (Տալլին).

Անտառային գերեզմանատուն (Տալլին)

Վիքիպեդիայից՝ ազատ հանրագիտարանից

Անտառային գերեզմանատուն
էստ․՝ Metsakalmistu
Տեսակգերեզմանատուն
ՏեղագրությունՏալլին
ՎայրKloostrimetsa?
Երկիր
 Էստոնիայի Հանրապետություն
Հիմնման տարի1933
Ժառանգության կարգավիճակպատմական հուշարձան[1]
Անտառային գերեզմանատուն (Տալլին)
kalmistud.ee

Անտառային գերեզմանատուն (էստ․՝ Metsakalmistu — Մետսակալմիստու), գերեզմանատուն Տալլին քաղաքում, որտեղ թաղված են էստոնացի հայտնի գրողներ, նկարիչներ, քանդակագործներ, ճարտարապետներ և քաղաքական գործիչներ։ Տեղակայված է Կլոոստրիմետսայում (Kloostrimetsa tee, 36)։ Ընդհանուր մակերեսը կազմում է 48,3 հա։

Պատմություն

Անտառային գերեզմանատունը հիմնադրվել է քաղաքային իշխանությունների որոշմամբ 1933 թվականին Կլոոստրիմեստայում, և այնտեղ առաջինը թաղվել է Էդուարդ Վիլդեն։ Պաշտոնական բացումը տեղի է ունեցել 1939 թվականին։ Նույն թվականին այնտեղ թաղվել է 15 մարդ[2]։

Սկզբում գերեզմանատան ընդհանուր մակերեսը կազմել է 24,2 հա, սակայն հետագայում այն ընդլայնվել է և ներկայում կազմում է 48,3 հա։

Մետսակալմիստուն բնական տեսքով գերեզմանատուն է, և նրա ձևավորման պահանջներն արգելում են հուշաքարերի ու ցանկապատերի տեղադրումը։ Գերեզմանների վրա հուշարձանների տեղադրումը չի երաշխավորվում, բայց դրանք կան քիչ քանակով։ Սկզբում թույլատրվել է տեղադրել 80x60 սմ չափերով շիրմաքար, բայց հետագայում քարի երկարության առավելագույն չափը դարձվել է 1,5 մ։

1936 թվականին գերեզմանատանը կառուցվել է մատուռ ճարտարապետ Հերբերտ Յոհանսոնի նախագծով։ Հրդեհից հետո այն վերականգնվել է 1996 թվականին քաղաքային իշխանությունների աջակցությամբ։

2006 թվականին գերեզմանատանը հայտնվել է կոլումբարիում։

Թաղումներ

Անտառային գերեզմանատանն առաջինը թաղվել է գրող և դրամատուրգ Էդուարդ Վիլդեն 1933 թվականին։

Անտառային գերեզմանատանը տարածքներ են հատկացվել Էստոնիայի Թատերական և Մարզական ազգային միություններին, կոմպոզիտորների, գրողերի, նկարիչների, լրագրողների, բժիշկների, ճարտարապետների միություններին, Memento միությանը, Ազատագրական և Ֆիննական պատերազմների վետերաններին, գիտնականներին և այլն[3]։

Անտառային գերեզմանատանը թաղված են.

  • Էվալդ Աավ (1900-1939) – էստոնացի կոմպոզիտոր
  • Ռոբերտ Ադամսոն – խորհրդային էստոնացի մանկավարժ և դպրոցի տնօրեն, Սոցիալիստական աշխատանքի հերոս
  • Ուրմաս Ալենդեր (1953-1994) – էստոնացի ռոք-երգիչ
  • Աուգուստ Ալլե (1890-1952) – էստոնացի գրող
  • Հենդրիկ Ալլիկ (1901-1989) – կուսակցական գործիչ
  • Ալեքսանդր Արդեր (1894-1966) – էստոնացի երգիչ
  • Ռեյնո Արեն (1927-1990) – էստոնացի դերասան
  • Էմմա Ասոն (1889-1965) – էստոնացի քաղաքական գործիչ, առաջին կինը, որ ընտրվել է Էստոնիայի խորհրդարանի անդամ
  • Այնո Բախ (1901-1980) – գրաֆիկ, Էստոնական ԽՍՀ ժողովրդական նկարիչ
  • Էյնո Բասկին (1929–2015) – էստոնացի դերասան
  • Ալբերտ Բորկվել (1890-1963) – մաթեմատիկոս
  • Էդուարդ Բորնհյոյե (1862-1923) – էստոնացի գրող
  • Իմբի Վալհեմյաե – դերասանուհի
  • Ռայմոնդ Վալգրե – կոմպոզիտոր
  • Ալեքսանդեր Վարմա – Տարագրության մեջ Էստոնայի կառավարության նախագահ (1963-1970)
  • Ադոլֆ Վեդրո (1890-1944) – կոմպոզիտոր
  • Ալեքսանդր Վլադովսկի – ճարտարապետ
  • Սիլվի Վրայտ (1951–2013) – խորհրդային և էստոնացի երգչուհի
  • Վիկտոր Գուրև (1914-1985) – երգիչ
  • Կարլ Բուրման – ճարտարապետ
  • Յաակ Յոալա (1950–2014) – էստրադային երգիչ
  • Հեյնո Կալյուստե (1925-1989) – երգչախմբի դիրիժոր
  • Էուգեն Կապպ (1908-1996) – էստոնացի կոմպոզիտոր
  • Նիկոլայ Կարոտամմ (1901-1969) – կուսակցական գործիչ
  • Պաուլ Կերես (1916-1975) – գրոսմայստեր
  • Տինիս Կինտ (1896-1991) – Տարագրության մեջ Էստոնայի կառավարության նախագահ (1970-1990)
  • Կալյո Կիյսկ (1925–2007) – էստոնացի դերասան
  • Լիդիա Կոյդուլա (1843-1886) – բանաստեղծուհի
  • Կոնստանտին Կոնիկ (1873-1936) – էստոնացի վիրաբույժ, քաղաքական գործիչ
  • Յոհաննես Կոտկաս (1915-1998) – մարզիկ
  • Հենդրիկ Կրումմ (1934-1989) – օպերային երգիչ
  • Ռայմոնդ Կուլլ (1882-1942) – էստոնացի դիրիժոր
  • Բորիս Կումմ (1897-1958) – գեներալ-մայոր
  • Տիյտ Կուուզիկ (1911-1990) – օպերային երգիչ
  • Բորիս Կիրվեր (1917-1994) – կոմպոզիտոր
  • Իվան Կեբին (1905-1999) – կուսակցական գործիչ
  • Օլգա Լաուրիստին (1903–2005) – հեղափոխական
  • Հանս Լեբերեխտ (1910-1960) – գրող
  • Արթուր Լեմբա (1885-1963) – կոմպոզիտոր
  • Սուլև Լույկ (1954-1997) – դերասան
  • Բրունո Լուկ (1909-1991) – երաժիշտ, դաշնակահար
  • Լենարտ Մերի – Էստոնիայի երկրորդ նախագահ (1992–2001)
  • Միկ Միկիվեր – ԽՍՀՄ ժողովրդական արտիստ
  • Լեպո Միկկո – Էստոնական ԽՍՀ ժողովրդական նկարիչ
  • Գեորգ Օթս – երգիչ, ԽՍՀՄ ժողովրդական արտիստ
  • Վոլդեմար Պանսո – ԽՍՀՄ ժողովրդական արտիստ
  • Լիլլի Պրոմետ (1922–2007) – Էստոնական ԽՍՀ վաստակավոր գրող
  • Էնդել Պուսեպ – խորհրդային օդաչու և պետական գործիչ[4]
  • Կոնստանտին Պյատս – Էստոնիայի առաջին նախագահը (1938-1940).[5]
  • Վալդեկո Ռատասեպպ (1912-1977) – Էստոնական ԽՍՀ ժողովրդական արտիստ
  • Յուհան Սմուուլ (1922-1971) – էստոնացի խորհրդային գրող
  • Անտոն Հանսեն Տամսաարե – գրող
  • Լեմբիտ Ուլֆսակ (1947–2017) – թատրոնի և կինոյի խորհրդային և էստոնացի դերասան, կինոռեժիսոր, Էստոնական ԽՍՀ ժողովրդական արտիստ
  • Լիյսու Օֆելյա Հանսեն (1937-1968) – էստոնացի լողորդուհի
  • Յոհաննես Հինտ – գյուտարար
  • Հեյնո Էլլեր (1887-1970) – էստոնացի կոմպոզիտոր
  • Գուստավ Էռնեսաքս (1908-1993) – էստոնացի դիրիժոր
  • Անտս Էսկոլա (1908-1989) – էստոնացի դերասան
  • Աուգուստ Յակոբսոն (1904-1963) – էստոնացի գրող
  • Յուրի Յարվետ (1919-1995) – ԽՍՀՄ ժողովրդական արտիստ

Ծանոթագրություններ

Արտաքին հղումներ

{{bottomLinkPreText}} {{bottomLinkText}}
Անտառային գերեզմանատուն (Տալլին)
Listen to this article