Բանանով տորթ

Բանանով տորթ, տորթ, որի բաղադրության հիմնական բաղադրիչը բանանն է։ Կարելի է պատրաստել մաֆինի, կեքսի կամ շերտավոր խմորով տորթի տեսքով։ Բանանով տորթ պատրաստվում է չինական, ինդոնեզական և վիետնամական խոհանոցներում^[1][2]։

• 
  Բանանով քաղցրաբլիթներ՝ կարմիր լոբու խյուսով
• 
  Բանանով կեքս

Բանանով տորթ
Տեսակ	թխվածք
Ենթատեսակ	տորթ և banana dish?
Banana cakes Վիքիպահեստում

Պատրաստում

Բանանով տորթի պատրաստման առաջին և կարևոր բաղադրիչը բանանն է։ Անհրաժեշտ է նաև ալյուր, շաքարավազ, հավկիթ, կարագ կամ մարգարին և սոդա^[3]։ Բանանը պետք է տրորելով փափկեցնել և դարձնել խյուս՝ խոհանոցային կոմբայնով կամ հարիչով, ապա այն խառնել խմորին։ Տորթը կարելի է զարդարել կտրտած բանանով։ Որպեսզի զարդարանքի համար նախատեսված մանրացված բանանները չսևանան, պետք է դրանք ջրով շիթել^[4][5]։

Բանանով սերուցք պատրաստելու համար անհրաժեշտ են հասուն և փափուկ պտուղներ։ Տորթը կարելի է նաև թխել տապակած բանանով։ Կրեմը պատրաստվում է ժելատինով։ Ժելատինի վրա սառը ջուր է լցվում և թողնում մինչև ուռչելը և տաքացվում է թույլ կրակի վրա կամ ջրային բաղնիքի մեջ։

Բանանով տորթի վրա կարելի է նաև շոկոլադ ավելացնել։ Կարելի է նաև քերած ընկույզ ավելացնել։ Խմորի շերտերի արանքում կարելի է կաթնաշոռ քսել^[6]։

Գլազուրն առանձին է պատրաստվում։ Կարելի է շատ քիչ ալկոհոլային խմիչք ավելացնել։

Տորթը հավաքվում է հարթ ափսեի մեջ՝ հետևյալ հաջորդականությամբ. առաջին շերտը դրվում է, ապա քսվում է կաթնաշոռ կրեմը, երկրորդ շերտը վրայից։ Այնուհետև բանանի խյուսի շերտը լցվում է վրան, վերջին շերտը դրվում է խյուսի վրա։ Պատրաստի շերտերի վրա քսվում է կրեմ կամ գլազուր։ Դրանից հետո տորթը դրվում է սառնարանի մեջ, որպեսզի կրեմը սառչի։

Բանանով տորթը օգտագործում են նաև բուսակերները^[6]։

• Բանանով տորթեր
• 
  Բանանով տորթի կտոր
• 
  Շոկոլադապատ բանանով տորթ՝ ելակի պաղպաղակով
• 
  Բանանով տորթ՝ բանանի կտորներով զարդարված

Տորթի տեսակներ

Չինական խոհանոց

Չինական խոհանոցում բանանով տորթը մատուցվում է թեյի հետ, բայց ոչ որպես դեսերտ։

Բանտյուոյ

Բայտյուոյը վիետնամական բանանով տորթ կամ պուդինգ է։ Տորթը եփվում է շոգեկաթսայի մեջ, իսկ պուդինգը թխվում է։

Կուե-նագասարի

Կուե-նագասարին ինդոնեզական բանանով տորթ է, թխվում է գոլորշու վրա։ Պատրաստվում է բանանով, բրնձի այլուրով, կոկոսի յուղով և շաքարավազով^[7][8]։

• 
  Բանտյուոյ պատրաստված է նրբաբլիթի տեսքով
• 
  Ինդոնեզական բանանով տորթ` կուե-նագասարի

Տես նաև

• Տորթ
• Բանանով հաց
• Բանան

Ծանոթագրություններ

1. Tropp, B. (1982). The Modern Art of Chinese Cooking. Cookbook Library. Morrow. p. 518. ISBN 978-0-688-00566-5.
2. Le, H. (2014). Vietnamese Food with Helen’s Recipes:. Createspace Independent Pub. p. 158—161. ISBN 978-1-5005-2971-0.
3. Brass, M.; Brass, S.; Ryan, A. (2015). Baking with the Brass Sisters. St. Martin’s Press. p. 64-66. ISBN 978-1-250-06435-6. Retrieved April 20, 2016.
4. «Банановый торт — лучшие рецепты тортов с бананами». Արխիվացված է օրիգինալից 2018 թ․ հոկտեմբերի 16-ին. Վերցված է 2019 թ․ մայիսի 25-ին.
5. Heldstab, Celeste (2005). The Kitchen Grimoire Volume 4. Celeste Heldstab. p. 402. ISBN 978-0-9774722-3-9.
6. Moll, Lucy (January 1993). «A Better Banana Cake». Vegetarian Times (No. 185): 22.
7. Von Holzen, H.; Hutton, W.; Arsana, L. (1999). The Food of Indonesia: Authentic Recipes from the Spice Islands. Periplus World Food Series. Periplus Editions. p. 114. ISBN 978-962-593-389-4.
8. Long, L.M. (2015). Ethnic American Food Today: A Cultural Encyclopedia. Ethnic American Food Today. Rowman & Littlefield Publishers. p. 294. ISBN 978-1-4422-2731-6.

Գրականություն

• Shi, J. (2005). Asian Functional Foods. CRC Press. էջեր 116–117. ISBN 978-1-4200-2811-9.