Բծավոր տիֆ
From Wikipedia, the free encyclopedia
Բծավոր տիֆ, մարդու վարակիչ հիվանդություն, որն ընթանում է արյունատար անոթների և կենտրոնական նյարդային համակարգի ախտահարումով։ Բնորոշ են յուրահատուկ ցանը և տենդային վիճակը։
Արագ փաստեր Բծավոր տիֆ, Տեսակ ...
Բծավոր տիֆ | |
---|---|
Համաճարակային բծավոր տիֆով հիվանդ մարդ | |
Տեսակ | վարակիչ հիվանդություն, Էնդեմիկ հիվանդություններ, հիվանդության կարգ և տաքսոն |
Պատճառ | Rickettsiaceae? |
Բժշկական մասնագիտություն | վարակաբանություն |
Typhus Վիքիպահեստում |
Փակել
Բծավոր տիֆի զանգվածային բռնկումներ մշտապես նկատվել են պատերազմների, սովի և այլ սոցիալական վատ պայմանների ժամանակ, որոնք ուղեկցվել են բնակչության կյանքի, բնակարանային և կենցաղային պայմանների կտրուկ վատացմամբ, ինչպես նաև մարդկանց մեծ խմբերով տեղափոխությունների ժամանակ։ Բծավոր տիֆի հարուցիչը Պրովացեկի ռիկետսիաներն են, որոնք կայուն են չորացման, սառեցման նկատմամբ և արագ ոչնչանում են 50 °C-ից բարձր ջերմաստիճանի ու վարակազերծող նյութերի ազդեցությունից։