Բութի անվան բիզնես դպրոց

Բութի անվան բիզնես դպրոց (անգլ.՝ University of Chicago Booth School of Business), բարձրագույն ուսումնական հաստատություն, որը գտնվում է ԱՄՆ-ի Իլինոյս նահանգի Չիկագո քաղաքում։ Չիկագոյի համալսարանի մաս է կազմում։ Բութի անվան բիզնես դպրոցը Նոբելյան մրցանակների թվով առաջատար է (9)^[1]։ Դպրոցը հիմնադրվել է 1898 թվականին, և հանդիսանում է երկրորդ ամենահին դպրոցը ԱՄՆ-ում^[2]։ Ավելի վաղ դպրոցը ուներ «Չիկագոյի համալսարանի բիզնեսի բարձրագույն դպրոց» անվանումը, վերանվանվել է՝ 2008 թվականին իր շրջանավարտ Դևիդ Բութից 300 մլն դոլարի նվիրատվություն ստանալուց հետո^[3]։

Բութի անվան բիզնես դպրոց անգլ.՝ University of Chicago Booth School of Business
Տեսակ	բիզնես դպրոց
Հիմնադրված է	1898
Երկիր	ԱՄՆ
Տեղագրություն	Չիկագո
Կայք	chicagobooth.edu​(անգլ.)
Բութի անվան բիզնես դպրոց (ԱՄՆ) Բութի անվան բիզնես դպրոց, ԱՄՆ
University of Chicago Booth School of Business Վիքիպահեստում

Դպրոցի հիմնական լսարանը գտնվում է Չիկագոյում Հայդ պարկի տարածքում։ Դպրոցի մասնաճյուղերը գտնվում են Չիկագոյի, Լոնդոնի և Հոնկոնգի կենտրոնական մասերում։ 2018 թվականի դրությամբ Բութի անվան բիզնես դպրոցը Հարվարդի բիզնես դպրոցի հետ միասին U.S. News & World Report վարկանիշում զբաղեցնում է առաջին տեղը^[4]։ Դպրոցն առաջին տեղն է զբաղեցնում նաև ըստ The Economist ամսագրի^[5]։

Հայտնի շրջանավարտներ

• Սատյա Նադելա՝ Microsoft-ի գլխավոր գործադիր տնօրեն։
• Յուջին Ֆամա՝ ամերիկացի ականավոր տնտեսագետ, Նոբելյան մրցանակի դափնեկիր՝ ակտիվների գների փոփոխման էմպիրիկ վերլուծության համար (2013), արդյունավետ շուկայի վարկածի հեղինակ^[6]։
• Սյուզան Վագներ՝ BlackRock ներդրումային ընկերության նախկին տնօրեն, Apple կորպորացիայի տնօրենների խորհրդի անդամ։
• Ջոն Կորզին՝ ամերիկացի քաղաքական գործիչ, դեմոկրատ, տնտեսագետ։

Ծանոթագրություններ

1. «Արխիվացված պատճենը». Արխիվացված է օրիգինալից 2019 թ․ փետրվարի 16-ին. Վերցված է 2019 թ․ հուլիսի 18-ին.
2. «Արխիվացված պատճենը». Արխիվացված է օրիգինալից 2017 թ․ օգոստոսի 29-ին. Վերցված է 2019 թ․ հուլիսի 18-ին.
3. Бизнес-школе Чикагского университета подарили 300 миллионов долларов
4. https://www.usnews.com/best-graduate-schools/top-business-schools/mba-rankings
5. https://www.economist.com/whichmba/full-time-mba-ranking
6. https://www.britannica.com/topic/Winners-of-the-Nobel-Prize-for-Economics-1856936

Վիքիպահեստն ունի նյութեր, որոնք վերաբերում են «Բութի անվան բիզնես դպրոց» հոդվածին։