Բրերա պատկերասրահ
From Wikipedia, the free encyclopedia
Բրերա պատկերասրահ (իտալ.՝ Pinacoteca di Brera), հանրային պատկերասրահ Միլանում, որտեղ ներկայացված է իտալական նկարների հիմնական հավաքածուներից մեկը։ Տեղակայված է Միլանի Բրերա թաղամասի Զոնա 1 քաղաքային տարածքում՝ Բրերա պալատում` Բրերա ակադեմիայի հետ մեկ հարկի տակ։ Պատկերասրահում ներկայացված են այնպիսի նկարիչներ, ինչպիսիք են Ամբրոդժիո Լորենցետին, Դոնատո Բրամանտեն, Ռաֆայել Սանտին, Անդրեա Մանտենյան, Պիեռա Դելլա Ֆրանչեսկան, Ջենտիլե դա Ֆաբրիանոն, Վիտորե Կարպաչչոն, Տինտորետտոն, Լորենցո Լոտոն։
Բրերա պատկերասրահ | |
---|---|
Տեսակ | պատկերասրահ, կրթօջախ, արվեստի պատկերասրահ, ժամանակակից արվեստի թանգարան, Իտալիայի ազգային թանգարան, Istituto museale ad autonomia speciale? և Museum of the Italian Ministry of Culture? |
Երկիր | Իտալիա[1] |
Տեղագրություն | Միլան[2] |
Վայր | Բրերա պալատ |
Հասցե | via Brera, 28 - Milano[3] և Via Brera 28, 20121 Milano[2][1]20121[3][2] |
Հիմնադրվել է | 1776 |
Հիմնադիր | Մարիա Թերեզա[4] |
Մակերես | 523 087 քառակուսի մետր, 4174 քառակուսի մետր |
Այցելուներ | 111 727 մարդ (2020)[2], 417 976 մարդ (2019)[5][6], 386 415 մարդ (2018)[7], 146 370 մարդ (2021)[8] և 397 082 մարդ (2022)[1] |
Տնօրեն | James M. Bradburne? |
Հավաքածուի չափս | 500 արխիվային միավոր[7] և 600 արխիվային միավոր[9] |
Կայք | pinacotecabrera.org(անգլ.) և pinacotecadibrera.org(իտալ.) |
Պատմություն
Պատկերասրահը գտնվում է Բրերա պալատում, որտեղ տեղակայված են նաև Բրերա ազգային գրադարանը, Աստղադիտարանը, Միլանի բուսաբանական այգին, Գիտության և արվեստի Լոմբարդիայի ակադեմիան, Բրերա գեղարվեստի ակադեմիան։ Շենքը կառուցվել է անտիկ, անմշակ "braida" տարածքում։ 1572 թվականին շենքն անցել է Հիսուսի միաբաններին, 1627–1628 թվականներին Ֆրանչեսկո Մարիա Ռիչին արմատական վերափոխումների է ենթարկել կառույցը։ 1773 թվականին, երբ Հիսուսի միաբանները հեռացել են կառույցից, այն դարձել է աստղադիտարանի և Ազգային գրադարանի նստավայր։ 1774 թվականին այստեղ է տեղակայվել նաև նոր բուսաբանական այգու չորացած բույսերի հավաքածուն։ Շինություններն ընդլայնվել են Ջուզեպպե Պիեռմարինի նախագծով, ով 1776 թվականին ակադեմիայի հիմնադրումից հետո դարձել է ակադեմիայի պրոֆեսոր և շուրջ 20 տարի դասավանդել ակադեմիայում՝ վերահսկելով քաղաքային ուրբանիզացման նախագծերը՝ հանրային այգիները (1787–1788) և Ֆոնտանա հրապարակը (1780-1782)։
Առաջին կտավները, որոնք Ակադեմիան ձեռք է բերել պատկերասրահի համար նապոլեոնական ժամանակաշրջանի իտալական կտավներ էին։ Վաղ հավաքածուի հիմնական կտավներից էր Ռաֆայելի «Կույս Մարիամի ամուսնությունը» (Sposalizio) կտավը, այնուհետև ակադեմիայի մշակութային շրջանակները ընդլայնվեցին՝ Ժակ Լուի Դավիդ, Պիետրո Բենվենուտի, Վինչենցո Կամուչիննի, Անտոնիո Կանովա, Բերտել Տորվալդսեն, Էնիո Կորինո Վիսկոնտի։ 1805 թվականին Բոսիի ղեկավարությամբ սկսել է մրցանակային համակարգով տարեկան ցուցահանդեսների շարքը։ 19-րդ դարում Միլանը դարձել է իտալական գեղանկարչության մշակութային մայրաքաղաքը։ Ակադեմիայի գեղարվեստական կոմիտեն, Commissione di Ornato նախաձեռնել են հասարակական հուշարձանների վերահսկողությունը։
Ռոմանտիկ դարաշրջանն ակադեմիայի պատմության մեջ նշվում է որպես հաղթական շրջան։ Այդ շրջանում ակադեմիան ղեկավարել է Ֆրանչեսկո Հայեցը։ Ոգեշնչված Մասիմո դ՛Ադզելոյով և Ջուզեպպե Բիզիով՝ ակադեմիական ընդունելի ժանր էր համարվում լանդշաֆտի ներմուծումը։ 1882 թվականին պատկերասրահն առանձնացել է ակադեմիայից։
Պատկերասրահ
- The Madonna of the Cherubim, Անդրեա Մանտենյա,1485
- «Մեռած Քրիստոսը», Անդրեա Մանտենյա, 1480
- «Խաչելություն», Բրամանտինո, 1515
- «Կույս Մարիամի ամուսնությունը», Ռաֆայել Սանտի, 1504
- «Պիետա», Ջովաննի Բելլինի, 1460
- «Brera Madonna», Պիեռա Դելլա Ֆրանչեսկա, 1472–1474
- «Համբույր», Ֆրանչեսկո Հայեց, 1859
- «Աբրահամը դուրս է հանում Հագարին ու Իսմայիլին», Ֆրանչեսկո Գվերչինո, 1657
- «Քրիստոսը սյան մոտ», Դոնատո Բրամանտե, 1490
- «Կլեոպատրայի մահը», Գվիդո Գանյաչի
- San Luca Altarpiece, Անդրեա Մանտենյա, 1453
- «Սուրբ Մարկոսի մարմնի հայտնաբերումը», Տինտորետտո, 1548
- «Սամարացի կինը ջրհորի մոտ», Անիբալե Կառաչի
- «Խորհրդավոր ընթրիք», Ռուբենս, 1630–1631
- «Մոգերի երկրպագությունը», Կորեջիո, 1518
- «Կնոջ դիմանկար», Անտոնիս վան Դեյք, 1634-1635
- «Ընթրիք Emmaus-ում», Կարավաջո, 1606
- St. Jerome in Wilderness, Տիցիան, 1560
- «Կոմս Անտոնիո Պորչայի դիմանկարը», Տիցիան 1548
- «Մադոնայի և մանկան օրհնությունը», Ջովաննի Բելլինի, 1510
Ծանոթագրություններ
Գրականություն
Արտաքին հղումներ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.