հայ բանաստեղծ From Wikipedia, the free encyclopedia
Կարեն Մանվելի Մարդանյան, հայտնի է որպես Գարմար[1] (հոկտեմբերի 18, 1984, Կիրովական, Հայկական ԽՍՀ, ԽՍՀՄ), հայ արդի բանաստեղծ։
Գարմար | |
---|---|
Ծնվել է | հոկտեմբերի 18, 1984 (39 տարեկան) |
Ծննդավայր | Կիրովական, Հայկական ԽՍՀ, ԽՍՀՄ |
Մասնագիտություն | բանաստեղծ |
Քաղաքացիություն | Հայաստան |
Մանկությունն ու պատանեկությունն անցել են Դիլիջանում։ Առողջական խնդիրների պատճառով կիսատ է թողել ուսումը, իսկ 2006 թվականից տեղափոխվել ու ապրում է Ռուսաստանում[2]։
Գարմարի տողերը լի են փիլիսոփայությամբ, պատկերավոր ու պարզ տեսարանների ներկայացմամբ։ «Վայրի անտառ դար 21», «Ծուռ նստած՝ շիտակ խոսեմ», «Ծերացած ծառը», «Փուչիկը», «Խոկում խորհուրդ» այս և ուրիշ բանաստեղծություններում նկատելի է հեղինակի խոհափիլիսոփայական մոտեցումը կյանքին, այն հասկանալու մեծ ձգտումը։ Գարմարը ձգտում է նաև ճանաչել մարդուն ինքնաճանաչման միջոցով, միևնույն ժամանակ սուր արտահայտված ազգային խնդիրների, հոգսերի թեմաներով բանաստեղծությունների «Հիշիր Լաո» շարքը հեղինակի յուրովի արտահայտումն է հայ ազգի շարունակական պայքարի վերաբերյալ։
Բանաստեղծությունը իրադարձությունների, հոգու, մտքի, զգայական աշխարհի, կյանքի խտացված արտահայտումն է։ Բանաստեղծությունն ապրում է իր առանձին կյանքով, բանաստեղծն՝ իր, նրանք երբեմն հանդիպում են ստեղծագործելիս։ Բանաստեղծությունն ապրում է ընթերցողի շնորհիվ, բանաստեղծը՝ բանաստեղծությունը հանրության շուրթերում ապրելու շնորհիվ[3]։
Դարի կոշկատակը
Փոշոտվում է նորից,
Ճանապարհը նույնն է.
Կամ երկար է, կամ կարճ։
Դու ինձ ների՛ր,
Որովհետև ես էլ քեզ եմ ներում,
Կհանդիպե՞նք, թե՞ չէ,
Ո՞վ իմանա…
Ինձ հրաժեշտ չտա՛ս,
Չկարոտե՛ս իզուր,
Որովհետև ես եմ քեզ կարոտում։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.