Գեղարվեստի թանգարան (Գենտ)

Գենտի գեղարվեստի թանգարան (հոլ.՝ Museum voor Schone Kunsten (MSK)), գեղարվեստի թանգարան Բելգիայի Գենտ քաղաքում։ Տեղակայված է Ցիտադել զբոսայգու արևելյան հատվածում (Գենտի ժամանակակից արվեստի քաղաքային թանգարանի հարևանությամբ)։

Անվան այլ կիրառումների համար տե՛ս՝ Գեղարվեստի թանգարան (այլ կիրառումներ)

Գեղարվեստի թանգարան
Տեսակ	պատկերասրահ և թանգարան
Երկիր	Բելգիա[1]
Տեղագրություն	Գենտ[1]
Կազմված է	Q51676290?
Մասն է	Q64699564?
Հասցե	Fernand Scribedreef 1[1]9000[1]
Հիմնադրվել է	1798
Կայք	mskgent.be/en/​(անգլ.), mskgent.be/fr/​(ֆր.) և mskgent.be​(նիդեր.)

Պատմություն

Թանգարանը հիմնադրվել է 1798 թվականին։ Համարվում է Բելգիայի ամենահին թանգարաններից մեկը։ Հայտնի է հավաքածուների բազմազանությամբ, ներառում է միջնադարից մինչև 20-րդ դարասկիզբ ընկած ժամանակահատվածը։ Հիմնական հավաքածուն ներառում է ֆլամանդական արվեստի (Հարավային Նիդերլանդներ) նմուշներ, ունի նաև եվրոպական` մասնավորապես ֆրանսիական արվեստի նմուշներ։

Թանգարանի պատկերանշանը ֆրանսերեն

Մշտական հավաքածուի ցուցադրմանը զուգահեռ թանգարանը կազմակերպում է նաև ժամանակավոր ցուցահանդեսներ (տարին երկու անգամ)։

Թանգարանի շենքի ճարտարապետն է Չարլզ վան Ռիսելգերգը։ Թանգարանն ունի համաժողովների դահլիճ, գրադարան, մանկական անկյուն և սրճարան։ 2007 թվականին քառամյա վերանորոգումից հետո թանգարանը վերաբացվել է։

Թանգարանն անդամակցում է Ֆլամանդական արվեստի հավաքածուին, որը միավորում է ֆլամանդական գեղարվեստի երեք խոշոր թանգարանները` Գեղարվեստի թագավորական թանգարանը, Գրունինգե թանգարանը և Գենտի գեղարվեստի թանգարանը։ Թանգարանների հավաքածուները մշակվել են նույն կերպ և լրացնում են միմյանց` ներկայացնելով 15-ից 20-րդ դարերի ֆլամանդական արվեստը։ Որպես բելգիական մշակութային ժառանգության միևնույն պատասխանատվությունը կրող կառույց` երեք թանգարաններն իրականացնում են փորձի փոխանակում, ձգտում են ավելի կայուն, բարձր որակի կառավարման և իրենց հավաքածուների միջազգային իրազեկման բարձրացման` մասնավորապես համաշխարհային ժառանգության մաս կազմող աշխատանքների։

Կտավներ

• Հիերոնիմոս Բոսխի` «Հիերոնիմոսն աղոթում է»
• Հիերոնիմոս Բոսխի «Քրիստոսը տանում է իր խաչը»
• Մարտեն վան Հեմսկերկի «Վշտալից մարդը»
• Տինտորետտոյի «Ջիովանի Պաոլո Կորնարոյի դիմանկարը»
• Պիտեր Պաուլ Ռուբենսի «Քրիստոսի խարազանումը»
• Անտոնիս վան Դեյքի «Յուպիտեր և Անտիոպա»
• Թեոդոր Ժերիկոյի «Խելագարի դիմանկար»

Պատկերասրահ

• 
  Ցուցասրահներից մեկը
• 
  Ցուցասրահներից մեկը
• 
  Ցուցասրահներից մեկը
• 
  Հետաքրքրությունների կաբինետ, 17-րդ դար
• 
  Ժյուլ դե Բրյոյկեր․ «Տարեց մարդը»
• 
  Ժակ Լուի Դավիդ․ «Օրփեոս և Էվրիդիկե»
• 
  Ջեյմս Էնսոր․ «Քրիստոսը և հաշմանդամները», 1880 թվական
• 
  Ժորժ Միննե․ «Վշտացած մայրը», 1890 թվական
• 
  Աննա դե Վերտ․ «Նավակներ ձյան տակ», 1929 թվական
• 
  Ադոլֆ Բերնար․ «Շատրվանի մոտ», 1933 թվական
• 
  Կույս Մարիամը մանկան հետ
• 
  Սուրբ Երրորդություն
• 
  Օգյուստ Ռոդեն․ Պիեռ դը Վիսանտի գլուխը
• 
  Սուրբ Սեբաստիանի նահատակությունը
• 
  Լորան Դելվո․ «Սուրբ Լիվինուս»
• 
  Անհայտ հեղինակ․ «Լողացող հրեշտակը», 1500 թվական
• 
  Պիեռ Ժակ Դիրքս․ «Որբ աղջիկները կարտոֆիլ են մաքրում»
• 
  Մելխիոր դե Հոնդեկուտեր․ «Ջրային թռչուններ», 1882 թվական
• 
  Տորաձիրո Կոձիմա․ «Ընթերցող կինը», 1921 թվական

Ծանոթագրություններ

1. https://erfgoedkaart.be/?id=8336

Արտաքին հղումներ

• Museum voor Schone Kunsten Gent / Museum of Fine Arts Ghent
• The Flemish Art Collection

Վիքիպահեստն ունի նյութեր, որոնք վերաբերում են «Գեղարվեստի թանգարան (Գենտ)» հոդվածին։