Գուարուլյուս

Գուարուլյուս (պորտուգալերեն՝ Guarulhos. Պորտուգալերեն արտասանություն: [[Միջազգային հնչյունական այբուբեն|[ɡwaˈɾuʎus]]]), քաղաք Բրազիլիայի Սան Պաուլու նահանգում։ Մտնում է Սան Պաուլու քաղաքի մետրոպոլիսային տարածաշրջանի մեջ^[3]։ Աշխարհի խոշորագույն արվարձանների ցանկում տասներորդն է։ Բնակչության թվաքանակով նահանգում գրավում է երկրորդ, ամբողջ երկրում՝ 13-րդ տեղը։ 2015 թվականի տվյալներով՝ այդ բնակավայրում 318,68 քառակուսի կիլոմետր տարածքի վրա ապրում էր 1.324.781 մարդ^[4]։ Բրազիլիայում Գուարուլյուսը միակ այդպիսի խոշոր քաղաքն է, որը միաժամանակ նահանգի վարչական կենտրոն չի հանդիսանում։ Բնակչության մեծ մասը տնտեսապես ակտիվ է և գենդերային տեսակետից հավասար բաշխված^[5]։ Քաղաքաբնակներից շատերն աշխատում են արդյունաբերության բնագավառում՝ Գուարուլյուսի շուրջ երկու հազար ձեռնարկություններում կամ Սան Պաուլու քաղաքում^[6]։ Բնակավայրում ստեղծվող համախառն ներքին արդյունքի ծավալով Գուարուլյուսը նահանգում զբաղեցնում է երկրորդ, իսկ ամբողջ Բրազիլիայում՝ ութերորդ տեղը։

Բնակավայր
Գուարուլյուս
Դրոշ Զինանշան
Երկիր	Բրազիլիա
Համայնք	Սան Պաուլու
Ներքին բաժանում	Guarulhos (district)?[1] և Jardim Presidente Dutra?[1]
Հիմնադրված է	1560 թ.
Մակերես	318,014 կմ²
ԲԾՄ	759±1 մետր
Բնակչություն	▲1 392 121 մարդ (հուլիսի 1, 2020)[2]
Ժամային գոտի	UTC−3
Հեռախոսային կոդ	11
Փոստային դասիչ	07000-000
Պաշտոնական կայք	guarulhos.sp.gov.br
Գուարուլյուս (Բրազիլիա)
Գուարուլյուս Վիքիպահեստում

Վիճակագրություն

• Համախառն ներքին արդյունքը, 2005 թվականի դրությամբ, կազմում էր 21 615 314 ռեալ (տվյալները՝ Բրազիլիայի աշխարհագրության և վիճակագրության ինստիտուտի)
• Համախառն ներքին արդյունքը մեկ շնչի հաշվով, 2005 թվականի դրությամբ, կազմում էր 17 276,00 ռեալ (տվյալները՝ Բրազիլիայի աշխարհագրության և վիճակագրության ինստիտուտի)
• Մարդկային ներուժի զարգացման ինդեքսը, 2000 թվականի դրությամբ, կազմում էր 0,798 (տվյալները՝ ՄԱԿ-ի զարգացման ծրագրի)։

Տրանսպորտ

1985 թվականին բացվել է Կումբիկա օդանավակայանը^[7], որն այսօր կոչվում է São Paulo–Guarulhos Governador André Franco Montoro միջազգային օդանավակայան և մեծությամբ երկրորդն է ամբողջ Լատինական Ամերիկայում^[8]։

2018 թվականից օդանավակայանը Գուարուլյուսի և Սան Պաուլուի հետ կապվել է նաև երկաթգծով^[9]։ Նախատեսված է 2021 թվականին սկսել Սան Պաուլուի մետրոյի 19-րդ գծի շինարարությունը, որով Գուարուլյուսը հաղորդակցության ևս մեկ միջոցով կկապվի Սան Պաուլուի հետ^[10]։

Գուարուլյուսով է անցնում Rodovia Presidente Dutra ավտոմայրուղին, որը Սան Պաուլուն կապում է երկրի մայրաքաղաք Ռիո դե Ժանեյրոյի հետ։

Պատմություն

Քաղաքի անվանումն առնչվում է տեղաբնիկ հնդկացիական ցեղի հետ և տուպա ցեղի լեզվով նշանակում է «ուտողներ, մեծ փորով մարդիկ»։ Բնակավայրը 1560 թվականի դեկտեմբերի 8-ին հիմնադրել է ճիզվիտ քահանա Մանուել դե Պաիվան և անվանակոչել Nossa Senhora da Conceição: Սկզբնական շրջանում դա ոչ մեծ մի գյուղ էր, որին որոշակի դեր էր վերապահված շրջակա հնդկացիական վայրի ցեղերի ասպատակություններից São Paulo de Piratininga-ն պաշտպանելու գործում^[11]։

Աշխարհագրություն

Գուարուլյուսի համայնքային սահմանագծի ներսում են ընկած Կանտարեյրա ազգային պարկի 7.917 հեկտարը^[12] և Mananciais do Rio Paraíba do Sul բնապահպանական տարածքի 292 հազար հեկտարը^[13]։

Կլիմա

Քաղաքի կլիման բնորոշվում է համեմատաբար բարձր ջերմաստիճանով և տարվա ընթացքում տեղումների գրեթե հավասար բաշխվածությամբ։ Ըստ Köppen Climate Classification-ի դասակարգման՝ խոնավ մերձարևադարձային կլիմայի մի ենթատեսակն է՝ Cfa^[14]

Գուարուլյուսի կլիմայական տվյալները
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	Տարի
Միջին բարձր °C (°F)	27 (81)	28 (83)	27 (80)	25 (77)	23 (73)	22 (71)	21 (70)	22 (72)	23 (73)	24 (76)	26 (79)	27 (80)	24.6 (76.3)
Միջին ցածր °C (°F)	20 (68)	20 (68)	19 (67)	18 (64)	14 (58)	13 (56)	12 (53)	12 (54)	14 (57)	16 (61)	18 (64)	18 (65)	16.2 (61.3)
Միջ. տեղումների օրեր (≥ {{{միավոր տեղումների օրեր}}})	14	9	11	6	7	7	6	7	9	10	10	13	109
աղբյուր: Weatherbase[15]

Պատկերասրահ

• 
• 
• 
• 
• 
• 
• 
• 
• 
• 

Ծանոթագրություններ

1. OpenStreetMap(բազմ․) — 2004.
2. https://www.ibge.gov.br/estatisticas/sociais/populacao/9103-estimativas-de-populacao.html
3. Lei Complementar nº 1.139, de 16 de junho de 2011
4. Instituto Brasileiro de Geografia e Estatística
5. «IBGE Cidades Guarulhos-SP População» (Portuguese). www.ibge.gov.br/. Վերցված է 2011 թ․ մայիսի 30-ին.{{cite web}}: CS1 սպաս․ չճանաչված լեզու (link)
6. «IBGE Cidades Guarulhos-SP Histórico» (Portuguese). www.ibge.gov.br/. Վերցված է 2011 թ․ մայիսի 30-ին.{{cite web}}: CS1 սպաս․ չճանաչված լեզու (link)
7. Kishi, Massami. «GUarulhos sec. XX». guaru.com.br/. Արխիվացված է օրիգինալից 2011 թ․ հոկտեմբերի 28-ին. Վերցված է 2011 թ․ մայիսի 30-ին.
8. OAG MAX Online. «Top 100 Airports by Seat Capacity Available on International Departing Flights». Արխիվացված է օրիգինալից 2008 թ․ հունիսի 12-ին. Վերցված է 2011 թ․ մայիսի 30-ին.
9. «Trem de Guarulhos» (PDF) (Portuguese). Արխիվացված է օրիգինալից (PDF) 2012 թ․ մարտի 23-ին. Վերցված է 2011 թ․ հունիսի 4-ին.{{cite web}}: CS1 սպաս․ չճանաչված լեզու (link)
10. «São Paulo Metro begins studies to build Line 19». 2019 թ․ օգոստոսի 6. Վերցված է 2019 թ․ օգոստոսի 6-ին.
11. «História da Cidade» (Portuguese). novo.guarulhos.sp.gov.br/. Արխիվացված է օրիգինալից 2011 թ․ մայիսի 27-ին. Վերցված է 2011 թ․ մայիսի 30-ին.{{cite web}}: CS1 սպաս․ չճանաչված լեզու (link)
12. Leonel, Cristiane (June 2009), Plano de Manejo do Parque Estadual da Cantareira: Resumo Executivo (PDF) (պորտուգալերեն), SEMA/SP, էջ vi, Վերցված է 2016-12-10-ին(չաշխատող հղում)
13. Unidade de Conservação: Área de Proteção Ambiental Bacia Hidrográfica do Paraíba do Sul (Portuguese), MMA: Ministério do Meio Ambiente, Վերցված է 2016-10-01-ին{{citation}}: CS1 սպաս․ չճանաչված լեզու (link)
14. Climate Summary for Guarulhos
15. «Weatherbase.com». 2013. Retrieved on July 29, 2013.

Արտաքին հղումներ

Վիքիճամփորդն ունի Guarulhosին առնչվող զբոսաշրջային տեղեկատվություն։

Գուարուլյուս էջը Վիքիպահեստում

• Locação de Galpões em Guarulhos.
• Estacionamento Aeroporto Guarulhos.
• Guarulhos - Yellow Pages Արխիվացված 2006-05-02 Wayback Machine.
• City Hall of Guarulhos Արխիվացված 2013-01-31 Wayback Machine.
• Guia de Guarulhos.
• - Guarulhos Online.
• - Guia Guarulhos de Negócios.
• Encontra Guarulhos - Find everything about Guarulhos city.
• Portal de Guarulhos - Portal of Guarulhos City(չաշխատող հղում) .

Վիքիպահեստն ունի նյութեր, որոնք վերաբերում են «Գուարուլյուս» հոդվածին։