Դաստափորի եկեղեցի - Wikiwand
For faster navigation, this Iframe is preloading the Wikiwand page for Դաստափորի եկեղեցի.

Դաստափորի եկեղեցի

Վիքիպեդիայից՝ ազատ հանրագիտարանից

Դաստափորի եկեղեցի
Հիմնական տվյալներ
Տեսակեկեղեցի
Երկիր
 
Ադրբեջան
Տեղագրություն
Դաստափոր, Դաշքեսանի շրջան, Ադրբեջան
Հոգևոր կարգավիճակչգործող
Ներկա վիճականհայտ (ենթադրաբար՝ ավերված)
Ճարտարապետական նկարագրություն
Ճարտարապետական ոճհայկական

Դաստափորի եկեղեցի, հայկական եկեղեցի, ներկայումս՝ Ադրբեջանի Հանրապետության Դաշկեսանի շրջանում, պատմական Մեծ Հայքի Ուտիք նահանգի Գարդման գավառում։ Գտնվում է Դաստափոր (այժմ՝ Դաստաֆուր) գյուղում։

Ճարտարապետություն

Եկեղեցին ներկայացնում է իրենից եռանավ, թաղածածկ հորինվածքով, արևելք-արևմուտք ուղղությամբ ձգված ընդարձակ կառույց (արտաքին չափերն են՝ 24,25 x 10,90 մ)։ Կառուցված է անմշակ քարով, կրաշաղախով։ Պատասխանատու հանգույցներում գործածված քարերը սրբատաշ են։ Հյուսիսային պատն արտաքուստ հպված է լերկ ժայռազանգվածին։ Ներքուստ սվաղված է։ Հատկանշական է ուղղանկյունաձև խորանը, որին երկու կողմերից կից են ավանդատները։ Թաղակիր կամարները հանգչում են երեք զույգ սյուներին (հարավային շարքի երկու սյուները միտումնավոր քանդված են)։ Մուտքը հարավից է։ Լուսավորությունն իրականացվել է արևելյան ճակատի երեք, արևմտյան ճակատի մեկ (հետագայում փակվել է) և հարավային ճակատի չորս՝ դեպի ներս լայնացող պատուհաններից։ Եկեղեցու ճարտարապետական լուծումներում նկատելի են անհամաչափություններ. արևմտյան պատը հատակագծում կառուցված է թեքությամբ, եզրային նավերն ունեն տարբեր լայնություններ[1] ։

Եկեղեցու մոտ ընկած է անտաշ կողերով, պարզ, անարձանագիր խաչքար (38 x 38 x 11 սմ)[2]։

Տես նաև

Արտաքին հղումներ

Ծանոթագրություններ

  1. Սամվել Կարապետյան, Հյուսիսային Արցախ, Երևան, 2004, էջ 210-211
  2. Սամվել Կարապետյան, Հյուսիսային Արցախ, Երևան, 2004, էջ 211
{{bottomLinkPreText}} {{bottomLinkText}}
Դաստափորի եկեղեցի
Listen to this article