From Wikipedia, the free encyclopedia
Եթերային յուղեր, օրգանական ցնդող հեղուկ նյութերի խառնուրդներ, որոնց հիմնական բաղադրիչ մասը տերպեններն են։
Ստացվում են եթերայուղատու բույսերից և պայմանավորում դրանց հոտը։
Եթերային յուղերը ստացվում են հիմնականում երեք եղանակով՝ ջրային գոլորշիներով թորում, ցածրաեռ լուծիչներով լուծահանում ն մամլում։
Սենյակային ջերմաստիճանում եթերային յուղերը թափանցիկ, դյուրաշարժ կամ մածուցիկ, անգույն կամ գունավոր (դեղին, կանաչ) հեղուկներ են։
Լուծվում են օրգանական լուծիչներում, բուսական և կենդանական ճարպերում, հազվագյուտ՝ ջրում։ Օդում, լույսի ազդեցությամբ արագ օքսիդանում են, խեժանում և փոխում իրենց հոտը։
Եթերային յուղերից անջատված է մոտ հազար օրգանական նյութ՝ հագեցած, չհագեցած, ալիֆատիկ, արոմատիկ, տերպենային, ցիկլավոր ածխաջրածիններ և դրանց թթվածնավոր ածանցյալները՝ սպիրտներ, ալդեհիդներ, կետոններ, եթերներ, օքսիդներ, լակտոններ, ինչպես նան հետերոցիկլավոր միացություններ։ եթերային յուղեր պարունակող բույսերը շատ են։ Տարբեր բույսեր պարունակում են տարբեր քանակի եթերային յուղեր, օրինակ, վարդը՝ 0,07— 0,1%, մեխակը՝ 20—22%։
Եթերային յուղեր օգտագործում են բժշկության մեջ և կոսմետիկայում, սննդի և քիմիական արդյունաբերության մեջ (նուրբ օրգանական սինթեզների համար, օրինակ, պինինը՝ կամֆորայի և սկիպիդարի սինթեզում), օծանելիքի, լաքերի և ներկերի արտադրության բնագավառում։
Վիքիպահեստն ունի նյութեր, որոնք վերաբերում են «Եթերային յուղեր» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 488)։ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.