Եվգենի Կադիլով

Եվգենի Վսեվոլոդովիչ Կադիլով (հոկտեմբերի 30, 1912, Ալեքսանդրապոլ ― մարտի 9, 1995), խորհրդային հյուսվածաբան, Անասնաբուժական գիտությունների դոկտոր (1951), պրոֆեսոր (1954), ՀԽՍՀ գիտության վաստակավոր գործիչ (1961)։

Եվգենի Կադիլով ռուս.՝ Евгений Всеволодович Кадилов
Ծնվել է	հոկտեմբերի 30, 1912(1912-10-30)
Մահացել է	մարտի 9, 1995(1995-03-09) (82 տարեկան)
Մասնագիտություն	վիրաբույժ
Ալմա մատեր	Երևանի անասնաբուծական-անասնաբուժական ինստիտուտ (1935)
Գիտական աստիճան	անասնաբուժական գիտությունների դոկտոր (1951) և պրոֆեսոր (1954)
Պարգևներ

Կենսագրություն

1935 թվականին ավարտել է Երևանի անասնաբուծական-անասնաբուժական ինստիտուտը։ 1951 թվականից նույն ինստիտուտի հյուսվածաբանության ամբիոնի վարիչն էր։ Գիտական ուսումնասիրությունները նվիրված են բրուցելոզի ժամանակ օրգանիզմի ռեակտիվականության, կենդանիների օրգանների և հյուսվածքների վերականգնման և այլ հարցերի։ 1958 թվականից անատոմների, հյուսվածաբանների և սաղմնաբանների համամիութենական գիտական ընկերության երևանյան մասնաճյուղի վարչության նախագահն էր։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 154)։