Զեուդի Արայա

Զեուդի Արայա (իտալ.՝ Zeudi Araya, փետրվարի 10, 1951(1951-02-10)^[1][2], Dekemhare, Dekemhare Subregion, Debub Region, Էրիթրեա), եթովպացի դերասանուհի, պրոդյուսեր և երգչուհի, որը ներկայացնում է Էրիթրեան և Իտալիան^[3]։

Զեուդի Արայա անգլ.՝ Zeudi Araya
Ծնվել է	փետրվարի 10, 1951(1951-02-10)[1][2] (73 տարեկան)
Ծննդավայր	Dekemhare, Dekemhare Subregion, Debub Region, Էրիթրեա
Քաղաքացիություն	Էրիթրեա և  Իտալիա
Մասնագիտություն	դերասանուհի, կինոպրոդյուսեր, երգչուհի և կինոդերասանուհի
Ամուսին(ներ)	Ֆրանկո Քրիստալդի և Massimo Spano?

Կենսագրություն

Զեուդի Արայան ծնվել է 1951 թվականին Եթովպիայի և Էրիթրեայի դաշնությունում՝ եթովպացի քաղաքական գործչի ընտանիքում։ Դպրոցն ավարտել է Ադիս Աբեբայում 1969 թվականին^[4]։ Նույն թվականին Արայան հաղթել է «Միսս Եթովպիա» գեղեցկության մրցույթում։ 1970-ական թվականների սկզբներին տեղափոխվել է Հռոմ։ Այստեղ, իտալական հեռուստատեսությունում, սուրճ է գովազդել։

1971 թվականից աշխատել է «Չինեչիտտա» հեռուստաընկերությունում։ 1971-ից 1974 թվականներին նկարահանվել է Լուիջի Սկատինիի էրոտիկ կինոկատակերգություններում։ 1976 թվականին դերասանուհին իտալացի կատակերգակ դերասան Պաոլո Վիլաջիոյի հետ նկարահանվել է ռեժիսոր Սերջիո Կորբուչիի «Սինյոր Ռոբինզոն» ֆիլմում՝ մարմնավորելով Ուրբաթի դերը։

Էլիզաբեթի դերով խաղացել է «Նեապոլիտանական դետեկտիվ» (1978 թվական) սուրսյուժետային ֆիլմում։

Մի շարք դերերով է հանդես եկել պրոդյուսեր Ֆրանկո Կրիստալդիի ֆիլմերում. վերջինս 1983 թվականից մինչև 1992 թվականը Զեուդիի ամուսինն էր։ 1990-ականների սկզբին կինոյում չի նկարահանվել։ Ամուսնու մահից հետո ակտիվորեն զբաղվել է կինոյով և հեռուստատեսային պրոդյուսերությամբ։

1995 թվականին դերասանուհին «Marciando nel buio» ֆիլմի պրոդյուսերն էր, որի ռեժիսորը Մասիմո Սպանոն է^[5]. վերջինից դերասանուհին ունի մեկ որդի՝ Միքելանջելո Սպանոն՝ ծնված 1995 թվականին։

Ծանոթագրություններ

1. Internet Movie Database — 1990.
2. ČSFD (չեխերեն) — 2001.
3. «Зеуди Арая Кристальди (Zeudi Araya Cristaldi)». КиноПоиск (ռուսերեն). Վերցված է 2019 թ․ նոյեմբերի 25-ին.
4. «Зеуди Арайя». Кино-Театр.РУ. Վերցված է 2019 թ․ նոյեմբերի 25-ին.
5. «Zeudi Araya Cristaldi». IMDb. Վերցված է 2019 թ․ նոյեմբերի 25-ին.

Վիքիպահեստն ունի նյութեր, որոնք վերաբերում են «Զեուդի Արայա» հոդվածին։