Էդուարդ Փաշոյի Ավագյան (1934, Բերդ, Շամշադինի շրջան, Հայկական ԽՍՀ, ԱԽՖՍՀ, ԽՍՀՄ - 1991, Երևան), հայ պետական և քաղաքական գործիչ[1]։
| Էդուարդ Փաշոյի Ավագյան | |||
.jpg) | |||
| |||
|---|---|---|---|
| դեկտեմբերի 10, 1985 - հոկտեմբերի 9, 1989 | |||
| Նախորդող | Մուրադ Մուրադյան | ||
| Հաջորդող | Արտաշես Գեղամյան | ||
| Կրթություն՝ | Մոսկվայի բարձրագույն կուսակցական դպրոց | ||
| Մասնագիտություն՝ | քաղաքական գործիչ | ||
| Ծննդյան օր | 1934 | ||
| Ծննդավայր | Բերդ, Շամշադինի շրջան, Հայկական ԽՍՀ, ԱԽՖՍՀ, ԽՍՀՄ | ||
| Վախճանի օր | 1991 | ||
| Վախճանի վայր | Երևան | ||
| Քաղաքացիություն |  ԽՍՀՄ | ||
Կենսագրություն
Էդուարդ Ավագյանը ծնվել է 1934 թվականին Շամշադինի Բերդ ավանում (այժմ՝ Տավուշի մարզ)՝ նորաշենցիների ընտանիքում։ 1941 թվականին ընդունվել է Երևանի № 40 միջնակարգ դպրոցը։ 1951 թվականին գերազանց առաջադիմությամբ ավարտել է այն։ Ընդունվել է պոլիտեխնիկական ինստիտուտի շինարարական ֆակուլտետը։ 1957 թվականին աշխատանքի է ընդունվել ՀԽՍՀ արդյունաբերական շինարարության նախարարությունում, իսկ հետո՝ Երևանի Լենինյան (Շենգավիթի) շրջխորհրդի կոմիտեում։ 1960-1963 թվականներին ՀԽՍՀ Պետշինում պաշտոններ է վարել, աշխատել է վերահսկողության կոմիտեում, աշխատել է նաև Երևանի Օրջոնիկիձեի (Էրեբունի) կուսշրջկոմի արդյունաբերական բաժնի վարիչ, եղել է ՀԿԿ կենտկոմի շինարարության բաժնի հրահանգիչ[2]։
1967 թվականներին Էդուարդ Ավագյանը ավարտել է կուսակցական բարձրագույն դպրոցը և աշխատանքի է անցել ՀԿԿ-ում որպես տեսուչ։ 1968 թվականին Էդուարդը ընտրվել է Օրջոնիկիձեի շրջխորհրդի գործկոմի նախագահ։ Նա նաև եղել է ՀԽՍՀ նախարարների խորհրդի տնտեսական վարչության պետ, 1971-1971 թվականներին եղել է գյուղական շինարարությունների նախարարի տեղակալ, 1972-1974 թվականներին՝ Խորհրդային շրջխորհրդի գործկոմի նախագահ, 1974-1979 թվականներին՝ Աբովյանի կուսշրջկոմի առաջին քարտուղար, 1979-1985 թվականներին եղել է ՀԽՍՀ արդյունաբերական շինարարության նախարար։
1985 թվականին Էդուարդ Ավագյանը Երևանի քաղխորհրդի գործկոմի նախագահ է ընտրվել և այդ պաշտոնում աշխատել է մինչև 1989 թվականը։
1989-1990 թվականներին եղել է ՀԽՍՀ Գերագույն խորհրդի նախագահության գործերի կառավարիչը։
Եղել է ՀԽՍՀ Գերագույն խորհրդի պատգամավոր, մահացել է 1991 թվականին։
Ծանոթագրություններ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
