«Ծովի ժողովուրդների» թվում հանդես են գալիս նաև բազմաթիվ թրակա-փռյուգիական ցեղեր, որոնք Փոքր Ասիա էին թափանցում Բալկանյան թերակղզու հյուսիսային մասերից՝ մերձդանուբյան շրջաններից ու թերևս մասամբ՝ Հյուսիսասին և Հարավային Կովկասի կողմերից։
Թրակա-փռյուգական ցեղերի այս տեղաշարժը կատարվել է մի շարք ալիքներով, որոնք ժամանակագրական տեսակետից կարելի է բաժանել երկու խմբի՝ նախքան Տրոյական պատերազմը (մ. թ. ա. 13 դարի վերջ) և դրանից հետո։
Փոքր Ասիա տեղափոխված թրակա-փռյուգիական ցեղերի մեջ առաջիններից էին արիմները, նախահայերենի կրողները, որոնք, աղբյուրների կցկտուր տեղեկությունների համաձայն, տեղավորվել են Փոքր Ասիայի կենտրոնական և հարավարևմտյան մասերի մի շարք վայրերում։
Ըստ Իլիականի՝ նրանք ապրելիս են եղել Արգեձոս լեռան և Մաժաք (Կեսարիա) քաղաքի շրջակայքում։ Հայերի նախնիների այս տեղադիրքի մասին հիշում է նաև հայ ազգային ավանդությունը։
Լիզվագիտկան և պատմագիտական փաստերը ևս ցույց են տալիս, որ հայերի հնդեվրոպական նախնիների մի ճյուղը երկարատև շփման մեջ է եղել փոքրասիական և էգեյան ցեղերի ու ժողովուրդների և, հատկապես, տրոյացիների հետ։
- Հայ Ժողովրդի Պատմություն գրքից. հեղինակներ՝ Աղայան Ժ. Առաքելյան Լ.Ս.;
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
