Ժամանակակից արվեստի թանգարան (Մեդիսոն)
From Wikipedia, the free encyclopedia
Մեդիսոնի ժամանակակից արվեստի թանգարան (անգլ.՝ Madison Museum of Contemporary Art), թանգարան Վիսկոնսին նահանգի Մեդիսոն քաղաքում, որը նվիրված է ժամանակակից արվեստին։ Քաղաքի ամենահին մշակութային կազմակերպությունն է։ Հիմնադրվել է 1901 թվականին, Madison Art Association ասոցիացիայի կողմից, որն ի սկզբանե կոչվել է Madison Art Center:
State Street և Henry Street փողոցների անկյունում գտնվող եռահարկ շենքի ապակե ճակատը ծառայում է որպես թանգարանի գլխավոր սանդուղքահարթակ և նրա ճարտարապետական գրավչությունն է։
Ներկայումս Մեդիսոնի թանգարանն ունի ցուցահանդեսային չորս տարածք.
- The State Street Gallery` գտնվում է թանգարանի նախասրահում և ունի պատուհաններ, որոնք նայում են նույնանուն փողոցին։
- The Henry Street Gallery` նույնպես գտնվում է համանուն փողոցի այն կողմում, որտեղ գտնվում է թանգարանի ցուցահանդեսների փոփոխվող մասը։
- Main Gallery` երկրորդ հարկում տեղակայված գլխավոր և ամենամեծ ցուցահանդեսային տարածքները։
- Imprint Gallery` նույնպես երկրորդ հարկում է և ներառում է արվեստի գործեր, որոնք հիմնված են վիդեոների և ձայնի վրա։
Այստեղ անցկացվում են գեղարվեստական ցուցահանդեսներ, մասնավորապես, 2002 թվականին տեղի է ունեցել Լիզա Բուրժուայի անհատական ցուցահանդեսը։ Թանգարանի հավաքածուն ներառում է 1938 թվականին մեքսիկացի նկարչուհի Ֆրիդա Կալոյի կողմից մետաղի վրա յուղաներկով նկարված Pitahayas յուրօրինակ աշխատանքը։
Մադիսոնի թանգարանը ցուցանմուշները պատկերասրահում ցուցադրելուց բացի երբեմն ցուցադրում է նախասրահում, պարտեզում և տանիքում (քանդակներ)։ Թանգարանի դասախոսությունների դահլիճը նաև ծառայում է որպես թատրոն։ Այստեղ կա «Fresco» ռեստորան և թանգարանային խանութ։
 Արտաքին պատկերներ | |
|---|---|
 |
Ярмарка Art Fair on the Square |
Թանգարանի այցելելությունն անվճար է։ Մեդիսոնի ժամանակակից արվեստի թանգարանը իր ֆինանսավորման մեծ մասը ստանում է թանգարանային տարբեր կազմակերպությունների անդամակցությունից, մասնավոր նվիրատվություններից, ինչպես նաև ամենամյա Art Fair on the Square ազգային տոնավաճառից[2], որը տեղի է ունենում Մեդիսոնի Կապիտոլի հրապարակում և ամեն տարի ներգրավում է մոտ 200 000 մարդ։
1991 թվականից թանգարանի տնօրենն է Սթիվեն Ֆլեյշմանը (Stephen Fleischman):
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
