Իրվինգ (քաղաք)
From Wikipedia, the free encyclopedia
From Wikipedia, the free encyclopedia
Իրվինգ (անգլ.՝ Irving), քաղաք ԱՄՆ-ի Տեխաս նահանգի Դալլասի շրջանում։ Ընկած է շրջկենտրոնից մոտավորապես 20 կիլոմետր դեպի արևմուտք։ Դալլաս-Ֆորտ-Ուերտ մետրպոլիսային տարածքի բաղկացուցիչ մասն է կազմում։ ԱՄՆ-ի բնակչության հաշվառման բյուրոյի տվյալների համաձայն՝ 2010 թվականին նրա բնակչության թվաքանակը եղել է 216.290[5], 2013 թվականի հուլիսի 1-ի դրությամբ՝ 228.653[6], 2019 թվականին՝ 239 798 (այդ ցուցանիշով քաղաքը Տեխասում զբաղեցնում է 13-րդ, Միացյալ Նահանգներում՝ 93-րդ տեղը[7]): Նրա բնակչության կազմը հայտնի է ռասայական ու ազգային զգալի բազմազանությամբ և այդ տեսակետից առավել աչքի ընկնող բնակավայրերից մեկն է ԱՄՆ-ում[8][9]։
Բնակավայր | |||
---|---|---|---|
Իրվինգ | |||
| |||
Երկիր | ԱՄՆ | ||
Համայնք | Դալաս շրջան[1][2][3] | ||
Հիմնադրված է | 1903 թ. | ||
Մակերես | 176,221195 կմ² | ||
ԲԾՄ | 147±1 մետր | ||
Բնակչություն | ▲256 684 մարդ (ապրիլի 1, 2020)[4] | ||
Փոստային դասիչ | 75000–75099, 75000, 75002, 75003, 75004, 75005, 75008, 75012, 75016, 75018, 75020, 75024, 75026, 75028, 75030, 75031, 75033, 75037, 75040, 75041, 75043, 75044, 75038, 75046, 75048, 75050, 75052, 75055, 75058, 75060, 75061, 75062, 75064, 75066, 75069, 75072, 75073, 75075, 75078, 75079, 75082, 75084, 75086, 75088, 75090, 75092, 75095 և 75098 | ||
Պաշտոնական կայք | cityofirving.org(անգլ.) | ||
| |||
Քաղաքի համբավված թաղամասերից է 49 կմ² զբաղեցնող Լաս Կոլինասը (Las Colinas), որը համարվում է համալիր պլանավորման հիման վրա կառուցված քաղաքային առաջին շրջաններից մեկը ԱՄՆ-ում։ Այդ թաղամասում են տեղակայված հանրահայտ մի շարք ընկերությունների, այդ թվում՝ աշխարհի խոշորագույն նավթա-գազային կոնցեռն ExxonMobil-ի, գրասենյակները։ Հրապարակներից մեկում էլ գտնվում է «Լաս Կոլինասի մուստանգները» արձանախումբը, որը համարվում է ձիերով ամենամեծ արձանախումբը աշխարհում։ Իրվինգի տեսարժան վայրերից է նաև նորակառույց ցուցահանդեսային կենտրոնը (անգլ.՝ Irving Convention Center at Las Colinas):
Քաղաքում զարգացած են էլեկտրոնային, սննդի ու քիմիական արդյունաբերությունը, ճշգրիտ հաստոցների արտադրությունը[10]։
Բնակավայրը հիմնադրվել է 1903 թվականին[11], կոչվել ամերիկացի նշանավոր գրող Վաշինգտոն Իրվինգի պատվին։ 1914 թվականին ստացել է քաղաքի կարգավիճակ[11], 1960-ական թվականներին դարձել տարածաշրջանի արդյունաբերական կենտրոններից մեկը[11]։ 1970-ական թվականներին նրա բնակչության թվաքանակը հասել է 50 հազարի։ 1956 թվականին Իրվինգում բացվել է Դալլասի համալսարանը։
Իրվինգի մերձակայքում է Դալլաս-Ֆորտ-Ուերտ միջազգային օդանավակայանը։
Ինչպես վկայում են ամենամյա ֆինանսական հաշվետվության տվյալները[12], Իրվինգում հիմնական գործատուները հետևյալ ընկերություններն ու կազմակերպություններն են.
№ | Ընկերություն/ կազմակերպություն |
Աշխատակիցների թվաքանակը |
---|---|---|
1 | Citigroup, Inc. | 5000 |
2 | Citigroup Credit Company | 3795 |
3 | Verizon | 3000 |
4 | Nokia | 2500 |
5 | Allstate | 2000 |
6 | Central Freight Lines | 2000 |
7 | Abbott Laboratories | 1500 |
8 | Citigroup | 1430 |
9 | Zale Corporation | 1351 |
10 | Microsoft | 1200 |
Իրվինգում են գտնվում բազմաթիվ խոշոր ընկերությունների ու կազմակերպությունների գլխավոր գրասենյակները։ Դրանց թվում են՝
Այս քաղաքում տեղակայված են նաև արտասահմանյան մի շարք ընկերությունների գրասենյակներ։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.