Լոուելի աստղադիտարան

Լոուելի աստղադիտարան (անգլ.՝ Lowell Observatory, աստղադիտարանի կոդը՝ «690»), մասնավոր աստղադիտարան, Ֆլագստաֆում, որը ԱՄՆ-ի հնագույն աստղադիտարաններից մեկն է։ Հիմնադրվել է 1894 թվականին։

Լոուելի աստղադիտարան Lowell Observatory
Տեսակ	աստղագիտական ​​աստղադիտարան և ոչ առևտրային կազմակերպություն
Կազմված է	Lowell Discovery Telescope?
Աստղադիտարանի կոդ	690
Երկիր	ԱՄՆ[1]
Վայր	Ֆլագստաֆ
Հիմնադրվել է՝	1894
Association of Science and Technology Centers?[2]
Կայք	lowell.edu​(անգլ.)
Lowell Observatory Վիքիպահեստում

Կատարում է մեծ լուսավորչական աշխատանք։ Աստղադիտարանի այցելուների թիվը տարեկան մոտ 70 հազար է։ Ունի 12 աստղադիտակ, որոնցից երկուսը գտնվում են Մարս բլուրում։ 1965 թվականին ընդգրկվել է ԱՄՆ-ի ազգային պատմական հուշարձանների ցանկում^[3]։ 2011 թվականին աստղադիտարանը ներառվել է «Թայմ» ամսագրի կազմած «Աշխարհի 100 ամենակարևոր վայրերի» մեջ։

Պատմություն

Աստղադիտակը, որով հայտնաբերվել է Պլուտոն մոլորակը, 1930

Իր աստղադիտարանի համար Պարսիվալ Լոուելը տեղ ընտրեց անտառ ապատ Հյուսիսային Արիզոնայում, ծովի մակարդակից 2175 մետր բարձրության վրա։ Լոուելն այդ վայրն անվանեց Մարս բլուր (անգլ.՝ Mars Hill)։ Աստղադիտարանի գլխավոր գործիքը երկար տարիներ եղել է 24-դյույմանոց (61 սմ) աստղադիտակ-ռեֆրակտորը, որը ստեղծել էր Էլվին Քլարկը։ Այդ աստղադիտակը Լոուելը Բոսթոնում գնեց 20'000 հազար դոլարով և 1896 թվականին տեղափոխեց Ֆլագստաֆ։ Նույն Մարսի բլրի վրա է գտնվում 13-դյույմանոց (33 սմ) աստղադիտակը, որով 1930 թվականին Կլայդ Ուիլյամ Տոմբոն հայտնաբերեց Պլուտոնը։

Տես նաև

• Լոուելի աստղադիտարանում երկրամերձ օբյեկտների որոնում
• Հարվարդի աստղադիտարան

Ծանոթագրություններ

1. archINFORM (գերմ.) — 1994.
2. https://www.astc.org/membership/find-an-astc-member
3. «National Historic Landmarks Program». Արխիվացված է օրիգինալից 2013 թ․ հոկտեմբերի 21-ին. Վերցված է 2016 թ․ նոյեմբերի 8-ին.

Արտաքին հղումներ

• Աստղադիտարանի պաշտոնական կայք (անգլ.)
• Discovery Channel Telescope Արխիվացված 2012-09-02 Wayback Machine (անգլ.)

Վիքիպահեստն ունի նյութեր, որոնք վերաբերում են «Լոուելի աստղադիտարան» հոդվածին։