Խոստա

Խոստա (ռուսերեն՝ Хоста), միկրոշրջան Ռուսաստանի Դաշնության Կրասնոդարի երկրամասի Մեծ Սոչիի Խոստայի շրջանում, Խոստա գետի հովտում։ Խոստայի շրջանի վարչական կենտրոնն է։ Գտնվում է Սև ծովի ափին, Սոչիի կենտրոնից 21 կմ հեռավորության վրա։ Երկաթուղային կայարան է, ծովափնյա կլիմայական առողջարան և զբոսաշրջության կենտրոն։

Միկրոշրջան
Խոստա
Хоста
Երկիր	Ռուսաստան
Դաշնային սուբյեկտ	Կրասնոդարի երկրամասԿրասնոդարի երկրամաս
Քաղաքային օկրուգ	Սոչիի քաղաքային օկրուգ
Համայնք	Khostinsky City District?
Հիմնադրված է	1899 թ.
Տվյալ կարգավիճակում	1951 թվականից
Պաշտոնական լեզու	ռուսերեն
Բնակչություն	20 000 մարդ
Ազգային կազմ	ռուսներ, հայեր
Ժամային գոտի	UTC+3
Հեռախոսային կոդ	+7 862
Փոստային դասիչ	354024
Խոստա (Ռուսաստան) Խոստա (Կրասնոդարի երկրամաս)
Խոստա Վիքիպահեստում

Պատմական ակնարկ

Բնակավայրը հայտնի է միջնադարից, որպես աբխազական Խամիշ իշխանական տոհմի տիրույթ։ 12-րդ դարում այստեղ գտնվում էր ջենովական Կաստո առևտրավանը։

1899 թվականին Խոստա բնակավայրին շնորհվել է քաղաքի կարգավիճակ։ Խոստա գետի հովիտը գետաբերանի մոտ` բաժանվել է 175 քաղաքային, 60 արհեստագործական և 50 ամառանոցային հողատարածքների։ 1905 թվականի դեկտեմբերի 28-ից մինչև 1906 թվականի հունվարի 6-ը, Խոստայում գործունեություն է ծավալել Սոչիի հանրապետությունը։

1951 թվականին ընդգրկվել է Սոչի քաղաքի կազմի մեջ և ստացել միկրոշրջանի կարգավիճակ։

Տեսարժան վայրեր

• Խոստայի ամրոցը (7-րդ դար)։
• Կենա-շիմշատային պուրակը։
• Ծծմբաջրածնային ջրաբուժարանը։
• Նավալիշինի կիրճը։
• Խոստայի շրջանի պատմության թանգարանը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 77)։

Վիքիպահեստն ունի նյութեր, որոնք վերաբերում են «Խոստա» հոդվածին։