Ֆաբերժեի ձու From Wikipedia, the free encyclopedia
«Կարապ» (ռուս.՝ Лебедь), ոսկերչական ձու, որը դարձավ Ֆաբերժեի 52 զատկական ձվերից մեկը՝ պատրաստված Կարլ Ֆաբերժեի ընկերությունում Ռուսաստանի կայսերական ընտանիքի համար։ Այն ստեղծվել է 1906 թվականին[1] Նիկոլայ II կայսեր պատվերով[2]։ Ոսկերչական ձուն Նիկոլայը Զատկի տոնին նվիրել է մորը՝ այրիացած կայսրուհի Մարիա Ֆեոդորովնային[3]։
Կարապ | |
---|---|
Ստեղծման թնական | 1906 |
Պատվիրատու | Նիկոլայ II |
Ներկա սեփականատեր | |
Սեփականատեր | Մարիա Ֆյոդորովնա, Ֆարուք I և Maurice-Yves Sandoz? |
Դիզայն և նյութեր | |
Նյութեր | ոսկի, արծնապակի, ալմաստ և Ծովակն |
Բարձրություն | 100 միլիմետր |
Լայնություն | 75 միլիմետր |
Ֆաբերժեի ձվեր |
Այսօր «Կարապ» ոսկերչական կայսերական ձուն գտնվում է Էդուարդ և Մորիս Սանդոզների ֆոնդում (Լոզան, Շվեյցարիա)[4]։
Ոսկյա ձուն պատված է մանուշակագույն փայլատ էմալով[4]։ Այդ գույնը Մարիա Ֆեոդորովնայի ամենասիրելի գույնն էր։ Ձուն զարդարված է նրբաճաղով, որն իրենից ներկայացնում է ալիքաձև ադամանդակուռ ժապավեն։ Գագաթին մեծ ադամանդ է, որի տակ տեղադրված է ստեղծման տարեթիվը՝ «1906»: Մյուս խոշոր ադամանդը հակադիր հատվածում է, որի տակ, ըստ էության, եղել է միացագիր[3]։
«Կարապ» ոսկերչական ձուն բացվում է ոչ ուղիղ, այլ կարծես ջարդվածքի գծով[5]։ Ձվի մեջ տեղադրված է անակնկալը՝ մեխանիկական կարապով զամբյուղը։ Վերջինս պատրաստված է սպիտակ, դեղին և կանաչ ոսկով ծաղկաշղթաներից[2]։ Զամբյուղի հիմքը աքվամարինից պատրաստած տակդիրն է։ Այդ մեծ քարը հիշեցնում է լիճ, որի մակերևույթին «լողում» է մեխանիկական կարապը։ Այն պատրաստված է ոսկուց և պատված է արծաթով։ Թևերից մեկի տակ թաքցրած է փոքրիկ լարովի մեխանիզմը։ Այն գործի գցելուց հետո կարապը բացում է թևերը, շարժում ոտքերը և պոչը, ինչպես նաև բարձրացնում և իջեցնում է վիզն ու գլուխը[5]։
«Կարապ» ոսկերչական ձուն Նիկոլայ II կայսրը մորը՝ Մարիա Ֆեոդորովնային 1906 թվականի Զատկի տոնին է նվիրել։ Այն նվիրված է Ալեքսանդր III կայսեր և Մարիա Ֆեոդորովնայի հարսանիքի քառասնամյակին[5]։ 1917 թվականի Ռուսական հեղափոխության ժամանակ հեղափոխականները հափշտակեցին կայսերական ձվերի հավաքածուն և ուղարկեցին Կրեմլի զինապալատ։
1927 թվականին ձուն վաճառում են Էմանուել Սնոումանին, որը ներկայացնում էր Լոնդոնի «Վարտսկի» (անգլ.՝ Wartsky) պատկերասրահը[6]։ 1933 թվականին այն վաճառվում է Չարլզ Փարսոնսին։ 1939 թվականին ձուն տեղափոխվում է Նյու Յորք՝ Համմերի պատկերասրահ։ 1954 թվականին Սոթբիս աճուրդի տանը «Կարապ» ոսկերչական ձուն վաճառում են «La Russie Veille» (Նյու Յորք) պատկերասրահին։ Հետագայում ձուն ձեռք է բերում շվեյցարացի մագնատ Մորիս Սանդոզը։ 1995 թվականից ցայսօր ձուն պահվում է Էդուարդ և Մորիս Սանդոզների ֆոնդում[6]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.