Կոմ (գագաթ)

Կոմ (բուլղար․՝ Ком, հայտնի է նաև որպես Մեծ Կոմ (բուլղար․՝ Голям Ком)), լեռնագագաթ Արևմտյան Ստարա Պլանինայում, որը գտնվում է Արևմտյան Բուլղարիայում, Սերբիայի սահմանի մոտ։ Գագաթն ունի 2.016 մ բարձրություն և ընկած է Բերկովիցա քաղաքից հարավ, լինելով նրա ավանդական խորհրդանիշը։

Կոմ
Գագաթից հյուսիս ընկած հարթավայրերի տեսարան
Տեսակ	գագաթ
Երկիր	Բուլղարիա
Վարչատարածք	Սոֆիայի մարզ
ԲԾՄ	2016 մետր
Լեռնաշղթա	Ստարա Պլանինա

Աշխարհագրություն

Կոմը, Միջին Կոմ (բուլղար․՝ Средин Ком) և Փոքր Կոմ (բուլղար․՝ Малак Ком) ստորին գագաթների հետ միասին, կազմում է արևմուտքից արևելք ձգվող բլուր, կլորացված խոտածածկ լեռնաշղթայով, կտրուկ ժայռոտ հյուսիսային լանջով։ Նրանից դեպի հյուսիս՝ Բերկովիցա և հարակից դաշտերը, ինչպես նաև Մոնտանան և Օգոստայի ջրամբարը մոտ 30 կմ հեռավորության վրա^[1]։

Գրականության մեջ

Գագաթից ոգեշնչվելով ազգային գրող Իվան Վազովը ստեղծել է «Կոմի վրա» բանաստեղծությունը։ Ի պատիվ Վազովի, գագաթին տեղադրվել է նրա պատկերով և բանաստեղծությունից հատվածներ պարունակող բարիելիեֆ հուշատախտակ։

Զբոսաշրջություն

Կոմը նաև Եվրոպական E3 հետիոտն երթուղու բուլղարական հատվածի սկիզբն է, որը Բալկանյան լեռների հիմնական լեռնաշղթայի երկայնքով հայտնի է նաև որպես Կոմ - Էմինե արահետ, ինչպես նաև համանուն արտաճանապարհային (off-road) վազքուղի։

Կոմ սարի գագաթը բարձրանալու մի քանի ուղիներ կան, ինչպիսիք են Կոմ տնակից (երկժամյա վերելք), Պետրոհան լեռնանցքից (գագաթին հասնելը տևում է 3 ժամ 30 րոպե), Կոմշտիցա և Գինցի գյուղերից (3 ժամ հեռավորության վրա) ուղիները^[1]։

Հարավային Մորավայի գլխավոր վտակը Նիշավա գետն է, որը սկիզբ է առնում Կոմ գագաթից արևելք, ինչպես Վիսոչիցան։ Միջուրի հետ միասին, Կոմը արևմտյան Բալկանյան լեռների ամենաբարձր և ամենահայտնի գագաթներից է։ Գագաթը Բուլղարիայի 100 զբոսաշրջային վայրերի մի մասն է, Բերկովիցայի ազգագրության թանգարանի հետ միասին։ Գագաթից իջնում են դահուկային մի քանի ուղի^[2]։

Հիշատակում

Անտարկտիդայի Ֆալյերեսի ափին գտնվող Կոմ սառցադաշտը^[3] կոչվել է գագաթի անունով։

Կոմ անունով բուլղարական ապրանքանիշով հանքային ջուր կա։

Պատկերասրահ

• 
  Իվան Վազովի բարձրաքանդակ Կոմի գագաթին
• 
  Կոմի հին շալե
• 
  Կոմի նոր շալե

Ծանոթագրություններ

1. «Берковица >> Туризъм >> Връх Ком». web.archive.org. 2008 թ․ հոկտեմբերի 19. Արխիվացված է օրիգինալից 2008 թ․ հոկտեմբերի 19-ին. Վերցված է 2021 թ․ ապրիլի 17-ին.
2. «ДО ВРЪХ КОМ». www.planinite.info. Վերցված է 2021 թ․ ապրիլի 17-ին.
3. «Copernix - Know thy World». copernix.io. Վերցված է 2021 թ․ ապրիլի 17-ին.

Վիքիպահեստն ունի նյութեր, որոնք վերաբերում են «Կոմ (գագաթ)» հոդվածին։