Հիվանդություն
ոչ նորմալ վիճակ, որը ախտահարում է օրգանիզմը / From Wikipedia, the free encyclopedia
Հիվանդություն, պրոցես, որն առաջանում է օրգանիզմի վրա արտաքին կամ ներքին վնասակար գործոնների ազդեցությամբ։ Բնորոշվում է կենդանի օրգանիզմի կառուցվածքի և ֆունկցիաների խախտմամբ, հարմարվողականության նվազմամբ, պաշտպանական ուժերի ակտիվացմամբ։ Հիվանդության ժամանակ խախտվում է հավասարակշռությունը օրգանիզմի և շրջապատող միջավայրի միջև, որն արտահայտվում է կողմնակի ռեակցիաների առաջացումով, ինչպես նաև աշխատունակության անկումով։ Խախտվում է ընդհանրապես օրգանիզմի բնականոն կենսագործունեությունը և նրա ունակությունը՝ պահպանելու իր հոմեոսթազը[1] :