Հովիկ Մելիքյան - Wikiwand
For faster navigation, this Iframe is preloading the Wikiwand page for Հովիկ Մելիքյան.

Հովիկ Մելիքյան

Վիքիպեդիայից՝ ազատ հանրագիտարանից

Անվան այլ կիրառումների համար տե՛ս՝ Մելիքյան (այլ կիրառումներ)
Հովիկ Մելիքյան
Ծնվել էհուլիսի 30, 1902(1902-07-30)
Վախճանվել էփետրվարի 8, 1953(1953-02-08) (50 տարեկան)
Մասնագիտությունգրականագետ և արձակագիր
Լեզուհայերեն
Ազգությունհայ
ԿուսակցությունԽՄԿԿ
ԱշխատավայրԵրևանի պետական համալսարան
Հովիկ Մելիքյան Վիքիդարանում

Հովիկ Մամիկոնի Մելիքյան (հուլիսի 30, 1902(1902-07-30) - փետրվարի 8, 1953(1953-02-08)), հայ արձակագիր, գրականագետ, պրոֆեսոր (1937), ԽՍՀՄ գրողների միության անդամ 1934 թվականից։ ԽՄԿԿ անդամ 1924 թվականից:

Կենսագրություն

Ծնվել է Խաչակապ (հետո՝ Ադրբեջանի Խանլարի շրջանի Ղուշչի) գյուղում։ 1920 թվականին տեղափոխվել է Բաքու և աշխատել նավթային ձեռնարկություններում։ 1926-1928 թվականներին աշխատել է «Խորհրդային Հայաստան» թերթի խմբագրությունում որպես բանվորական բաժնի վարիչ։ 1928-1930 թվականներին սովորել է Մոսկվայի ժուռնալիստիկայի կոմունիստական ինստիտուտում։ 1934-1936 թվականներին աշխատել է ՀԿԿ Կենտկոմում և Երևանի քաղկոմում։ 1937 թվականին ՀԽՍՀ լուսավորության ժողովրդական կոմիսար էր, 1937-1939 թվականներին՝ «Գրական թերթ»-ի խմբագիրը, 1938-1941 թվականներին՝ Արմֆանի գրականության և լեզվի ինստիտուտի տնօրենը։ 1941-1944 թվականներին ծառայել է խորհրդային բանակում, մասնակցել Հայրենական մեծ պատերազմին։ 1944-1946 թվականներին եղել է «Սովետական գրականություն և արվեստ» ամսագրի խմբագիրը։ Միաժամանակ ավագ գիտաշխատող էր ՀԽՍՀ ԳԱ Մ. Աբեղյանի անվան գրականության ինստիտուտում։ 1936-1941 թվականներին և 1945-1953 թվականներին ռուս գրականություն է դասախոսել Երևանի համալսարանում։ Մահացել է 1953 թվականին[1]:

Երկերի մատենագիտություն

  • Զղջում, Երևան, Պետհրատ, 1928, 118 էջ։
  • Պատմվածքներ, Երևան, Պետհրատ, 1930, 109 էջ։
  • Մի կին գնում է..., Մոսկվա, ԽՍՀՄ ժողովուրդների կենտրոնական հրատարակչություն, 1930, 36 էջ։
  • Ճակատում (պատմվածքներ), Մոսկվա, ԽՍՀՄ ժողովուրդների կենտրոնական հրատարակչություն, 1931, 71 էջ։
  • Աղջիկը մորու փունջը ձեռքին, Երևան, Պետհրատ, 1936, 79 էջ։
  • Լենինը և Ստալինը հայկական ֆոլկլորում, Երևան, Հայպետհրատ, 1941, 76 էջ։

Մամուլ

  • Երբ ձևականորեն են տպագրում կլասիկ հեղինակին (գրախոսություն Շուշանիկ Կուրղինյանի «Բանաստեղծություններ» (1947) գրքի մասին): «Գրական թերթ», 1948, № 4:

Աղբյուրներ

  1. Գրական տեղեկատու։ Երևան: «Սովետական գրող»։ 1986։ էջ էջ 372 
{{bottomLinkPreText}} {{bottomLinkText}}
Հովիկ Մելիքյան
Listen to this article