Հորտոբադ ազգային պարկ
From Wikipedia, the free encyclopedia
From Wikipedia, the free encyclopedia
Հորտոբատ ազգային պարկը տեղակայված է Հունգարիայի արևելքում։ Ունի հարուստ ֆոլկլոր և մշակութային պատմություն։ Այն Հունգարական Մեծ Հարթավայրի մի մասն է, և ազգային պարկ է համարվել 1973 թվականին։ 1999 թվականին ընդգրկվել է ՅՈՒՆԵՍԿՕ-ի Համաշխարհային ժառանգության ցանկում[2]։ Հորտոբադը Հունգարիայի ամենամեծ պաշտպանված տարածքն է և ամենամեծ կիսաբնական խոտածածկ հողահանդակն է Եվրոպայում[3]։
Տեսակ | ազգային պարկ, ՅՈՒՆԵՍԿՕ-ի կենսոլորտային արգելոց և Natura 2000 protected area? |
---|---|
Կազմված է | Hortobágy Great Fishponds? |
Երկիր | Հունգարիա[1] |
Վարչատարածք | Hajdú-Bihar County? |
Աշխարհագրական տեղադրաում | Puszta? |
Հիմնվել է | 1973 |
Մակերես | 80 135 հեկտար |
Անդամակցություն | Մարդը և կենսոլորտը |
Մինչև վերջերս հավատում էին, որ ալկալային դաշտը ձևավորվել էր միջնադարում, հսկայական անտառահատումից հետո։ Սակայն Հորտոբադը ավելի հին է, և ալկալացումը սկսվել էր 10000 տարի առաջ, երբ Տիսա գետի հունն առաջին անգամ թեքվել է դեպի Մեծ Հարթավայր։ Ձևավորումն ավարտվել է Անթրոպոգենի ժամանակաշրջանում, երբ տեղի վայրի ձիերին հաջորդել են ընտելացված կենդանիներ[4]։
Ամենախորհրդանշական տեղանքներից մեկը Kilenclyukú híd (բառացի՝ ինը անցքանի) կամուրջն է։ Այս կամարակապ կամուրջը Հունգարիայի պատմության մեջ ամենաերկար քարե կամուրջն է եղել։ Այն կառուցվել է 1827-1833 թվականներին դասական ոճով։ Ազգային պարկի մի մասը համարվում է աստղադիտարանային տարածք[5]։
Հորտոբադն ունեցել է նաև բացասական նշանակություն։ Այն մի վայր էր, որտեղ հունգարական ստալինցիները իրենց քաղաքական ընդդիմախոսներին ուղարկեցին հարկադիր աշխատանքի։ Նույնօրինակ Գոլի Օտոկի բանտն էլ գտնվում էր Հարավսլավիայում, իսկ Բարագա տափաստանը՝ Ռումինիայում[6]։
Հորտոբադը տափաստան է, ուր բնակվում են ոչխարներ, ջրային բուֆալոներ և ձիեր։ Պահպանում է վայրի բնության տարբեր տեսակների՝ ներառելով 342 տեսակի թռչուններ։ Դրանցից են մանրաբազեն, ավդոտկաները, մեծ արոսը և երգեցիկ թռչունը։ Տարածքը կարևոր հանգրվան է կռունկների, եվրասիական կուլիկի, սպիտակաճակատ սագի չվելու համար[7]։
Հորտոբադ ազգային պարկը նաև տավրոսյան ցլերի ընտելացման կենտրոններից է[8][9]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.