Ճավա

Ճավա^[2] (ինդոն.՝ Jawa), կղզի Մալայան կղզեխմբում, Մեծ Զոնդյան կղզիների խմբում․ Ինդոնեզիայի տարածք է։ Երկարությունը ավելի քան 1000 կմ է, հարավում ողողում է Հնդկական օվկիանոսի, հյուսիսում՝ Ճավայի ծովի, արևմուտքում՝ Զոնդի նեղուցի, արևելքում՝ Բալի նեղուցի ջրերը։ Տարածքի շուրջ ½-ը զբաղեցնում են լեռները։

Ճավա
Տեսակ	կղզի
Մայրցամաք	Ասիա
Երկիր	Ինդոնեզիա
Երկարություն	1062 կմ
Լայնություն	199 կմ
Ամենաբարձր կետ	Semeru?
ԲԾՄ	3676 մետր
Շրջանագծի երկարություն	2884 կմ
Մակերես	128 297 կմ²
Մասն է	Մեծ Սունդայի կղզիներ[1]
Աշխարհագրական տեղադրություն	Մեծ Սունդայի կղզիներ[1] և Հարավ-Արևելյան Ասիա[1]
Ջրլիցի ափին	Հնդկական օվկիանոս, Ճավայի ծով, Bali Strait?, Զոնդյան նեղուց և Madura Strait?

Կա ավելի քան 100 հրաբուխ (այդ թվում՝ 30-ը գործող, բարձրությունը մինչև 3676 մ), որոնք գտնվում են կղզու առանցքային երկարությամբ։ Հյուսիսում բլրավետ հարթավայրեր են։ Հիմնական քաղաքներն են՝ Ջակարտա, Բանդունգ, Սուրաբայա։

Անվանում

Անվանումն առաջացել է սասկրիտ Յավա դվիպա՝ «գարու (կամ կորեկի) կղզի» բառակապակցությունից։ Ենթադրում են, որ մեր թվարկության սահմանագծում Հնդկաստանից և Շրի Լանկայից այստեղ եկած վերաբնակները՝ կղզում հանդիպելով կորեկի խիտ մացառուտների, նրան տվել են այդ անունը։ Ժամանակի ընթացքում այդ անվանման միջից «դվիպա»՝ կղզի հասարակ անունը դուրս է ընկել, իսկ Յավա (Java) հատուկ անունը հաստատունորեն պահպանվել է բոլոր դարաշրջաններում^[3]։

Պատկերասրահ

• 
  Բորոբուդուր տաճարը
• 
  Բրոմո հրաբուխները (2329 մ, ձախ), և Սեմերուն (3676 մ, աջ)։

Ծանոթագրություններ

1. Ява (ռուս.) // Малая советская энциклопедия / под ред. Н. Л. Мещеряков — 2 — Советская энциклопедия, 1936.
2. Հովհաննես Բարսեղյան (2006). «Աշխարհագրական անունների հայերեն տառադարձության մասին որոշում». Տերմինաբանական և ուղղագրական տեղեկատու. Երևան: 9-րդ հրաշալիք. էջ 55. ISBN 99941-56-03-9.
3. Հ. Ղ. Գրգեարյան, Ն. Մ. Հարությունյան (1987). Աշխարհագրական անունների բառարան. Երևան: «Լույս».

Վիքիպահեստն ունի նյութեր, որոնք վերաբերում են «Ճավա» հոդվածին։