ՄԱԿ-ի գլխավոր գրասենյակ
From Wikipedia, the free encyclopedia
Միավորված ազգերի կազմակերպության կենտրոնական գրասենյակ (անգլ.՝ Headquarters of the United Nations), շինությունների համալիր Նյու Յորքում (ԱՄՆ), որը ՄԱԿ-ի հիմնական աշխատողների պաշտոնական գրասենյակն է։ Շենքերը գտնվում են Մանհեթենի արևելյան մասում` 42-րդ և 48-րդ փողոցների միջև` Առաջին պողոտայի և Իստ Ռիվեր նեղուցի մեջ ընկած հատվածում։ Հատվածի ընդհանուր մակերեսը 18 ակր է (73.000 մ²)։ Այն «միջազգային տարածք է, որը պատկանում է բոլոր անդամ երկրներին»[1]։ Չնայած դրան` ԱՄՆ-ի և ՄԱԿ-ի հատուկ համաձայնագրով (Pub. L. No. 80-357, 61 Stat. 756 (1947)) գրասենյակի շրջանը ԱՄՆ-ի իրավասության ներքո է գտնվում։
ՄԱԿ-ի կենտրոնական գրասենյակ | |
անգլ.՝ Headquarters of the United Nations | |
Տեղագրություն | Նյու Յորք |
Կառուցման ժամանակ | |
Բարձրություն | |
---|---|
Տանիք | 153.9 |
Տեխնիկական պարամետրներ | |
Հարկերի թիվ | 39 |
Ճարտարապետ | Լե Կորբյուզիե, Օսկար Նիմեյեր և այլք |
Բացի Նյու Յորքի գրասենյակից` ՄԱԿ-ն ունի երեք այլ գրասենյակներ ևս Ժնևում (Շվեյցարիա), Վիեննայում (Ավստրիա), Նայրոբիում (Քենիա)[2]։ Սակայն առավել կարևոր որոշումներն ընդունվում են հենց Նյու Յորքի գրասենյակում, քանի որ այստեղ են մեծ մասամբ անցկացվում Միավորված ազգերի կազմակերպության գլխավոր ասամբլեաները և Անվտանգության խորհրդի համաժողովները։
ՄԱԿ-ի բոլոր կենտրոններում, գրասենյակներում աշխատում է ավելի քան 61.000 աշխատակից մոտ 170 երկրներից։ Նյու Յորքի գրասենյակում աշխատում է անձնակազմի մոտ մեկ երրորդը[3]։