Մանամա
From Wikipedia, the free encyclopedia
Մանամա (արաբ.՝ المنامة Ալ-Մանամահ), Բահրեյնի մայրաքաղաքը և գլխավոր տնտեսական կենտրոնը։ Բնակչությունը՝ ▲297 502 մարդ (2012)[1]։ Գտնվում է Պարսից ծոցի Բահրեյն կղզու հյուսիսային ափին, Մանամայի մունիցիպալիտետում։
| Քաղաք | ||
|---|---|---|
| Մանամա | ||
| المنامة | ||
 | ||
| Երկիր |  Բահրեյն | |
| Համայնք | Capital Governorate? | |
| Հիմնադրված է | 1345 թ. | |
| Առաջին հիշատակում | 1345 | |
| Մակերես | 30 կմ² | |
| Բնակչություն | ▲297 502 մարդ (2012)[1] | |
| Խտություն | 5304 մարդ/կմ² | |
| Ագլոմերացիա | 329 510 | |
| Ժամային գոտի | UTC+3 | |
| Պաշտոնական կայք | capital.gov.bh | |
| ||
Քաղաքի մասին առաջին հիշատակությունը հանդիպում է իսլամական քրոնիկներում 1345 թվականին։ 1521 թվականին քաղաքը գրավվել է պորտուգալացիների, իսկ 1602 թվականին՝ պարսիկների կողմից։ 1783 թվականին սկսվել է Ալ-Խալիֆայի դինաստիայի ղեկավարումը։
Մանաման 1958 թվականին հայտարարվել է ազատ նավահանգիստ, իսկ 1971 թվականին դարձել է անկախ Բահրեյնի մայրաքաղաքը։
Մանամայի, ինչպես և ամբողջ Բահրեյնի տնտեսության հիմք են հանդիսանում ֆինանսական շուկան, առափնյա նավագնացության դոու նավերի շինարարությունը, ձկնորսությունը և մարգարտի արտադրությունը։ Քաղաքի կենտրոնական հրապարակն է համարվում Մարգարտյա հրապարակը։ Բահրեյնի մայրաքաղաքում են գտնվում մեծ քանակությամբ երկնաքերեր, որոնցից առանձնանում է Բահրեյնի Համաշխարհային Առևտրի Կենտրոնը։ Քաղաքը Մուհարաք կղզում գտնվող Բահրեյնի միջազգային օդանավակայանի հետ կապված է դամբի վրայով անցնող մայրուղու օգնությամբ։
Կլիման անցումային է՝ արևադարձայինից մերձարևադարձային։ Հունվարի միջին ջերմաստիճանը 16 °C է, օգոստոսի միջին ջերմաստիճանը՝ 31 °C, տեղումների տարեկան քանակը մոտ 90 մմ է։
Մանամայում է գտնվում Բահրեյնի համալսարանը, որը հիմնվել է 1986 թվականին։
Քաղաքում խիստ զգացվում է արևմտյան՝ հատկապես բրիտանական մշակույթի ազդեցությունը։ Քաղաքային տաքսիների ավտոմեքենաները լոնդոնյան քեբերի նմանակներն են, հարկերի համարակալումը կատարվում է բրիտանական համակարգով, և բազմաթիվ հանրահայտ բարեր ձևավորված են իռլանդական փաբերի ոճով։ Մասնագիտացված խանութներում առանց խնդիրների կարող եք գնել ալկոհոլ, առկա են մեծ քանակությամբ գիշերային ակումբներ և ժամանակակից կինոթատրոններ։ Դրա շնորհիվ, ինչպես նաև լայն զարգացած առևտրա-ժամանցային համալիրների շնորհիվ Մանաման աստիճանաբար ամրապնդում է իր դիրքերը որպես տարածաշրջանային տուրիստական կենտրոն Պարսից ծոցի երկրների թվում։
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
