Միլլեսգորդեն

Միլլեսգորդեն (շվեդ.՝ Millesgårde), Ստոկհոլմի Լիդինգյո կղզում գտնվող պատկերասրահ և քանդակների պուրակ։ Տեղակայված է քանդակագործ Կարլ Միլլեսի (1875-1955) և նրա կնոջ՝ արվեստագետ Օլգա Միլեսի (1874-1967) նախկին տան տեղում։ Միլլեսգորդենը բաղկացած է երեք հիմնական մասից՝ նկարիչների նախկին տուն, պատկերասրահ և քանդակների պուրակ^[2][3]։

Միլլեսգորդեն
Տեսակ	հուշարձանների այգի, պատկերասրահ, մշակութային արժեք և տեսարժան վայր
Երկիր	Շվեդիա
Տեղագրություն	Լիդինգյո
Վայր	Լիդինգյո
Հասցե	Herserudsvägen 32, SE-181 50
Հիմնադրվել է	1936
Տնօրեն	Օնիտա Վասս[1]
Կայք	millesgarden.se​(շվեդ.)

Պատմություն

1906 թվականին նկարիչ ամուսիններ զույգը` Կարլ և Օլգա Միլլեսները, Լիդինգյոյում գնեցին մի հողամաս։ Տունը նախագծել է ճարտարապետ Կառլ Մ. Բենգսոնը (1878-1935)։ Տան բացումը տեղի է ունեցել 1908 թվականին։ Հետագայում Միլլեսի եղբոր՝ ճարտարապետ Էվերթ Միլլեսի (1885-1960) հետ համատեղ իրականացվեցին վերանորոգման և ընդլայնման աշխատանքներ։ Նրանք նախատեսում էին կառուցել մի տուն, որը կապ ունի արվեստի հետ։ Միլլեսգորդենում հիմնականում ներկայացված են Կարլ Միլլեսի ստեղծագործությունները։ Մուտքի մոտ գտնվող տեռասում է գտնվում քանդակների պուրակը և մեկ այլ քանդակագործի՝ Լիլյա Աթելջենի քանդակների արհեստանոցը։ Սա Կարլ և Օլգա Միլլեսների տունն է եղել մինչև 1931 թվականը։ 1936 թվականին Միլեսգորդենը վերածվել է հիմնադրամի և որպես նվեր հանձնվել շվեդ ժողովրդին^[4][5]։

Փայտե մատուռն ավելացվել է 1940-ականների վերջին։ Այստեղ են թաղված Կարլ և Օլգա Միլլեսները։ Աննայի տունը կառուցվել է Միլլեսի քարտուղար Աննա Հեդմարկի (1899-1993) համար, ով 1950 թվականին եղել է Միլլեսգորդենի տիրուհին և համադրողը։ Նա այնտեղ ապրել է մինչև 1986 թվականը։

Միլլեսգորդենի նոր շենքը՝ Միլլեսգորդեն արվեստի սրահը, գտնվում է ներքին տեռասի կողային երկայնքով։ Միլլեսգորդեն արվեստի սրահը նախագծել է ճարտարապետ Յոհան Սելսինգը և բացվել է 1999 թվականի հոկտեմբերին^[6]։

Միլլեսգորդենը ժողովրդական մշակույթում

Միլլեսգորդենը պատկերված է Պոլ Անդերսոնի Tau Zero արկածային վեպում, որտեղ նկարագրվում են քանդակային պուրակի բազմաթիվ գործեր^[7]

Պատկերասրահ

• 
  Եվրոպան և ցուլը
• 
  Հրեշտակները երաժշտություն են նվագում
• 
  Մակույկով հնդկացին
• 
  Մարդ և Պեգաս
• 
  Աստծո ձեռք
• 
  Skridskoprinsessan
• 
  Alg
• 
  Folkungabrunnen

Միլլեսգորդենի շենքեր

• 
  Փայտե մատուռ
• 
  Աննայի տունը
• 
  Միլլեսգորդեն պատկերասրահ

Ներքին հարդարանքներ

• 
  Կարլ Միլլեսի ստուդիան
• 
  Միլլեսի անտիկ հավաքածու
• 
  Ներքին հարդարանքներ
• 
  Աննայի տան հյուրասենյակը

Ծանոթագրություններ

1. Onita Wass ny VD för Millesgården (շվեդերեն) // Kulturnytt — 2009.
2. Bergström, Anders; Nolin, Catharina (2004). Millesgården : arkitektur & trädgård (Swedish). Stockholm: Atlantis. ISBN 91-7486-799-7.{{cite book}}: CS1 սպաս․ չճանաչված լեզու (link)
3. «Olga Milles». Svenskt biografiskt lexikon. Վերցված է 2019 թ․ սեպտեմբերի 1-ին.
4. «Bengtson, Karl (1878 - 1935)». KulturNav. Վերցված է 2019 թ․ սեպտեմբերի 1-ին.
5. «Milles, Evert (1885 - 1960)». KulturNav. Արխիվացված է օրիգինալից 2014 թ․ փետրվարի 2-ին. Վերցված է 2019 թ․ սեպտեմբերի 1-ին.
6. «Millesgården». Visit Stockholm AB. Վերցված է 2019 թ․ սեպտեմբերի 1-ին.
7. Anderson, Poul Tau Zero, Doubleday, 1970, p.1

Արտաքին հղումներ

• Millesgården website (in English and Swedish)

Աղբյուրներ

• Anders Bergström (2004) Millesgården - Arkitektur och trädgård (Stockholm: Atlantis) 91-7486-799-7

Վիքիպահեստն ունի նյութեր, որոնք վերաբերում են «Միլլեսգորդեն» հոդվածին։