Միքայել Հրեշտակապետի կոթող (Սոչի)
From Wikipedia, the free encyclopedia
From Wikipedia, the free encyclopedia
Միքայել Հրեշտակապետի կոթող (ռուս.՝ Монумент Михаила-Архангела), կոթողային սյուն Երկնային զորքերի հրամանատար, Սոչի քաղաքի հովանավոր Միքայել Հրեշտակապետի քանդակով։ Գտնվում է Ռուսաստանի Դաշնության Կրասնոդարի երկրամասի Սոչի առողջարանային քաղաքի Կենտրոնական շրջանի Կուրորտնի պողոտայի ծառուղիներով հատվածում։
Քանդակը ձուլված է բրոնզից, բարձրությունը 7 մետր է[1]։ Կոթողը կառուցվել է ճարտարապետ Սերգեյ Սուխորուկովի և քանդակագործ Վլադիմիր Զելենկոյի նախագծով, ձուլվել է բելառուսական «Օտմեննոյե լիտյո» ձեռնարկությունում։ Քանդակի հիմք են կարմիր գրանիտից պատրաստված հինգմետրանոց բարձրահարթակը և քսանմետրանոց երկաթբետոնե սյունը։ Կոթողը տեղադրվել է 2006 թվականի մայիսի 10-ին[1]։ Պատվանդանի վրա փակցված է բրոնզե ցուցանակ հետևյալ բառերով[1].
Տեղադրվել է Սոչի քաղաքի քաղաքապետ Վիկտոր Վիկտորովիչ Կոլոդյաժնու հրամանով՝ Քրիստոսի Ծննդից հետո 2006 թվականին։ |
Միքայել Հրեշտակապետը Սոչի քաղաքի հովանավորն է, քանի որ քաղաքի գլխավոր տաճարի՝ Միքայել Հրեշտակապետի տաճարը նվիրված է այդ սրբին։ Միքայել Հրեշտակապետն ընկալվում էր որպես չար ոգիներին հաղթող, որոնք համարվում էին հիվանդությունների աղբյուր, և այդ հանգամանքով ևս նա կապվում է առողջարանային քաղաքի հետ[1]։
Հուշակոթողը տեղադրվել է ժամանակակից Սոչի քաղաքի միջնաբերդի՝ Ալեքսանդրիա ամրոցի պաշտպանության ժամանակ զոհված ռուս զինվորների թաղման վայրից՝ եղբայրական գերեզմանից, ոչ հեռու[1]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.