Մոնրեալի քաղաքապետարան
From Wikipedia, the free encyclopedia
From Wikipedia, the free encyclopedia
Մոնրեալի քաղաքապետարան (ֆր.՝ Hôtel de Ville de Montréal), Մոնրեալի տեղական կառավարման մարմնի նստավայր։ 5 հարկից բաղկացած կառույց է։ Քաղաքապետարանի բնօրինակ շենքը նախագծել են ճարտարապետներ Անրի-Մորիս Պերոն և Ալեքսանդր Կաուպեր Հատչիսոնը։ Շենքը կառուցվել է 1872-1878 թվականներին երկրորդ կայսրության ճարտարապետության ոճով[4][5]։ Տեղակայված է Հին Մոնրեալում՝ Place Jacques-Cartier հրապարակի և Champ de Mars զբոսայգու միջև Նոտր Դամ փողոցի 275 հասցեում։ Մետրոյի ամենամոտ կայարանը գազարագույն գծի Champ-de-Mars կայարանն է։
Տեսակ | քաղաքապետարան |
---|---|
Երկիր | Կանադա |
Տեղագրություն | Վիլ-Մարի |
Հասցե | 275, rue Notre-Dame Est |
Փողոց | rue Notre-Dame Est? (275) |
Ճարտարապետական ոճ | Երկրորդ կայսրության ճարտարապետական ոճ |
Մասն է | Հին Մոնրեալ |
Հիմնադրված է | 1878 |
Ճարտարապետ | Անրի-Մորիս Պերո |
Իրադարձություններ | պատրաստման կամ շինարարության սկիզբ, վերանորոգում, վերանորոգում[1] և հրդեհ |
Ժառանգության կարգավիճակ | Կանադայի ազգային պատմական վայր[2] և part of a Quebec heritage property?[3] |
Որպես Կանադայի Երկրորդ կայսրության ճարտարապետական ոճի լավագույն օրինակ և երկրի առաջին քաղաքապետարան, որը կառուցվել է բացառապես որպես մունիցիպալ վարչարարության համար նախատեսված կառույց՝ 1984 թվականին ճանաչվել է Կանադայի Ազգային պատմական նշանակության օբյեկտ[6][7]։
Շենքի շինարարությունը սկսվել է 1872 թվականին և ավարտվել 1878 թվականին։ 1922 թվականի մարտին բնօրինակ շենքը հրդեհվել է, որից մնացել է միայն արտաքին պատը և ոչնչացել են քաղաքի պատմական բազմաթիվ գրառումներ[8]։ Ճարտարապետ Լուի Պարոնիին (ֆր.՝ Louis Parant) հանձնարարվել է վերակառուցել այն, սակայն նա որոշել է կառուցել ամբողջովին նոր շենք` ինքնատիպ պողպատե կառույցով[8]։ Քաղաքապետարանի շենքը մոդելավորվել է ֆրանսիական Տուր քաղաքի քաղաքապետարանի նմանությամբ[9]։ Մյուս փոփոխությունները ներառում էին մանսարդ տանիքի վերանորոգումը նոր Beaux-Arts ոճով, նախկին սալիկների շերտերը փոխարինվեցին պղնձե տանիքով[8]։
1967 թվականին Ֆրանսիայի նախագահ Շառլ դը Գոլը իր «Երկար, ազատ կյանք ունեցիր, Քվեբեկ» (ֆր.՝ Vive le Québec libre) ճառը արտասանել է այս շենքի պատշգամբից[8]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.