Նուր-Նորգե

Հյուսիսային Նորվեգիա կամ Նուր-Նորգե (նորվ.՝ Nord-Norge), ոչ պաշտոնական վարչատարածքային միավոր Նորվեգիայում^[1]։

Հյուսիսային Նորվեգիա նորվ.՝ Nord-Norge
Երկիր	Նորվեգիա
Կարգավիճակ	ոչ պաշտոնական տարածաշրջան
Մտնում է	Նորվեգիա
Ներառում է	3 կոմսություն
Վարչկենտրոն	Թրոմսյո
Հիմնական լեզու	Նորվեգերեն Բուկմոլ
Բնակչություն (2013)	474 563 (9,39 %, 3-րդ տեղ)
Խտություն	4,2 ( 5-րդ տեղ)
Կրոնական կազմ	Քրիստոնեություն
Տարածք	112 976  (34,89 %, 1-ին տեղ)
Ժամային գոտի	+1

Գտնվում է թագավորության հյուսիսային հատվածում։ Վարչականորեն ներառում է երեք կոմսություն։

Աշխարհագրություն

Հուր-Նորգեն գտնվում է Նորվեգիայի հյուսիսում՝ Սկանդինավյան թերակղզու վրա։ Ափերը ողողում է Նորվեգական ծովի ջրերը։

Հյուսիսային Նորվեգիայի երկրամասը բացի միջմարզային սահմաններից, ունի նաև միջպետական սահմաններ։ Սահմանակցում է հյուսիս-արևելքում Ֆինլանդիային, իսկ արևելքում՝ Շվեդիային։

Ներառում է երեք կոմսություն` Նուռլան, Թրոմս և Ֆինմարք։ Գտնվում է UTC+1 ժամային գոտում։ Զբաղեցնում է 112 976 կմ² տարածք և Նորվեգիայի ամենախոշոր վարչատարածքային միավորն է։ Այն կազմում է ամվողջ երկրի 34,89 %-ը։

Այս երկրամասում է գտնվում Նորվեգիայի թագավորության խոշոր նավահանգստներից մեկը՝ Նարվիքը։

Բնակչություն

Ըստ 2013 թվականի մարդահամարի տվյալների՝ Հյուսիսային Նորվեգիան ունի 474 563 բնակիչ, որոնք հիմնականում տեղաբնիկ նորվեգացիներն են։ Խոսում են տարբեր լեզուներով, մասնավորապես նորվեգերեն լեզվի երկու բարբառներով։

Ըստ բնակչության թվի՝ Նուր-Նորգեն երրորդն է Նորվեգիայում։ Այն կազմում է ամբողջ Նորվեգիայի բնակչության 9,39 %-ը։ Պաշտոնական կրոնը քրիստոնեությունն է։

Տես նաև

• Նորվեգիայի վարչական բաժանում
• Նորվեգիայի կոմունաներ

Ծանոթագրություններ

1. Բատվինա, Իրինա. «Նորվեգիայի վարչական բաժանում». www.best-country.com. Վերցված է 2016 թ․ նոյեմբերի 16-ին.

Նորվեգիա   Աշխարհագրություն