Չորաթան

Չորաթան
Գյուղ
	Չորաթան
	Չորաթանի համայնապատկերը
Երկիր	Հայաստան
Մարզ	Տավուշ
Գյուղապետ	Վարուժան Բաղմանյան
ԲԾՄ	1000 մ
Կլիմայի տեսակ	մերձարևադարձային
Պաշտոնական լեզու	Հայերեն
Բնակչություն	1 050 մարդ (2012)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	չորաթանցի, չորաթնեցի
Ժամային գոտի	UTC+4

Չորաթան, գյուղ Հայաստանի Տավուշի մարզում, Երևանից՝ 223 կմ, մարզկենտրոնից՝ 90 կմ, ՀՀ պետական սահմանից՝ 6 կմ հեռավորության վրա։

Պատմություն

1750 թվականին Ղարաբաղից 12 ընտանիքներ գալիս և ներկայիս գյուղատեղից 1,6 կմ հեռավորության վրա գտնվող ներքին շեն հանդամասում բնակություն են հաստատում, իսկ հետագա տարիների ընթացքում աստիճանաբար իջնում և վերջնական բնակություն են հաստատում ներկայիս Չորաթանի տարածքում^[1]։

Կլիմա

Գյուղը գտնվում է կլիմայական բարեխառն գոտում, ամռանը միջին ջերմաստիճանը + 23 C է, ձմռանը՝ -1 C։ Գյուղը գտնվում է ծովի մակերևույթից 1000 մ բարձրության վրա։

Բնակչություն

Չորաթանի ազգաբնակչության փոփոխությունը^[2]

Տարի	1831	1897	1926	1939	1959	1970	1979	1989	2001	2004	2012
Բնակիչ	413	395	743	1022	1283	1368	1138	1121	1088	1136	1050

Տնտեսություն

Բնակչությունը զբաղվում է անասնապահությամբ, խաղողագործությամբ, ծխախոտագործությամբ, պտղաբուծությամբ, հացահատիկի և կերային կուլտուրաների մշակությամբ։ Խորհրդային տարիներին Չորաթանը բարձր ցուցանիշների է հասել գյուղմթերքների արտադրության ու իրացման ուղղությամբ։

Համայնքն ունի դպրոց, բուժկետ, մշակույթի տուն, մանկապարտեզ։