Ջոս

Ջոս (անգլ.՝ Jos), 19-րդ խոշորագույն քաղաքը Նիգերիայի հանրապետությունում։ Գտնվում է Ջոս հարթավայրի բարձրադիր մասում՝ այսպես կոչված Կենտրոնական Նիգերիայում՝ երկրի գրեթե սրտում։ Նաև Նիգերիայի Պլատո նահանգի վարչական կենտրոնն է հանդիսանում։

Քաղաք
Ջոս
Երկիր	Նիգերիա
Համայնք	Պլատո (նահանգ)
ԲԾՄ	1217 մետր
Բնակչություն	622 802 մարդ (2010)
Ժամային գոտի	UTC+1
Ջոս (Նիգերիա)
Ջոս Վիքիպահեստում

Պատմություն

Դեռ բրիտանական գաղութային կառավարման տարիներին Ջոսը դարձավ գունավոր մետաղների արդյունահանման կարևոր կենտրոն (անագ և այլն)։ Չինաստանում և այլ զարգացող երկրներում մետաղների աճող պահանջարկը հանգեցրել է վերջին երկու տասնամյակների ընթացքում տարածաշրջանում հանքարդյունաբերության վերածնմանը, ինչը հանգեցրել է երկրի շատ այլ տարածաշրջաններից միգրանտների ներհոսքին։ Տարածաշրջանի բնիկ ժողովուրդները՝ տիվ, ֆուլբե և ջունկուն ցեղերը, այժմ լրացնում են հաուսա, յորուբա, իգբո և ուրիշ ցեղերին։ Բնակչության աճի բարձր տեմպերի (տարեկան 3-4 տոկոս) և բնակություն հաստատած քրիստոնյաների և կիսաքոչվոր մուսուլմանների միջև կրոնական հակասությունների պատճառով քաղաքում շատ լարված է ազգամիջյան իրադրությունը^[1]։ Վերջին տարիներին (2001, 2008 և 2010) տեղի են ունեցել արյունալի կրոնական բախումներ քրիստոնյաների և մուսուլմանների միջև։

Ահաբեկչություն

Ջոսը գտնվում է երկրի քրիստոնեական և իսլամական մասերի միջև, այդ իսկ պատճառով այնտեղ հաճախ ահաբեկչություններ են տեղի ունենում։

• 2010 թվականի դեկտեմբերի 26-ին Ջոսում տեղի է ունեցել ահաբեկչական գործողություն, որի հետևանքով զոհվել է 38 մարդ, ևս 74-ը վիրավորվել են։ Պայթյունները տեղի են ունեցել երկու քրիստոնեական եկեղեցիներում, հարձակման օբյեկտ են դարձել ուխտավոր քրիստոնյաները^[2]։
• 2014 թվականի մայիսի 20-ին Ջոսում կրկնակի ահաբեկչություն է տեղի ունեցել, որի հետևանքով ավելի քան 160 մարդ Է զոհվել, վիրավորվել է ավելի քան 50 մարդ^[3]։

Ժողովրդագրություն

Քաղաքի բնակչությունը ըստ տարիների^[4]։

1991	2010
510 300	622 802

Կլիմա

Ջոսի կլիման
Ցուցանիշ	Հունվար	Փետրվար	Մարտ	Ապրիլ	Մայիս	Հունիս	Հուլիս	Օգոստոս	Սեպտեմբեր	Հոկտեմբեր	Նոյեմբեր	Դեկտեմբեր	Տարի
Միջին առավելագույն, °C	28	30	32	31	29	27	25	24	27	29	29	28	28,3
Միջին ջերմաստիճան, °C	20,7	22,5	24,4	24,2	23,1	21,8	20,4	20,1	21,1	22	21,8	20,7	22,6
Միջին նվազագույն, °C	14	16	18	19	18	18	17	17	17	17	16	14	16,9
Տեղումների քանակ, մմ	0	4	16	91	158	197	303	287	201	58	1	1	1327
Աղբյուր Ջոսի կլիման Արխիվացված 2020-11-30 Wayback Machine Նիգերիա-Ջոս։ Կլիման, եղանակը, ջերմաստիճանը

Պատկերասրահ

• 
  Ջոսի կենտրոնական մզկիթը
• 
  Ջոսի բնակելի թաղամասը
• 
  Nasco ընկերության կենտրոնակայանը Ջոսում
• 
  Մրգերի վաճառք այգու շուկայում
• 
  Շրջանցիկ ճանապարհը Ջոսի կենտրոնում

Տես նաև

Կրոնական հակամարտություն Նիգերիայում

Իգբո լեզու

Ծանոթագրություն

1. BBC News — Nigeria ethnic violence 'leaves hundreds dead'
2. «Breaking News, World News and Video from Al Jazeera». www.aljazeera.com. Վերցված է 2020 թ․ օգոստոսի 26-ին.
3. Նիգերիայի ահաբեկչությունների շարք Արխիվացված 2014-05-23 Wayback Machine(ռուս.) rbctv.rbc.ru կայքում, 21 մայիսի, 2014
4. «Ջոս» (անգլերեն). World Gazetteer. Արխիվացված է օրիգինալից 2012 թ․ ապրիլի 22-ին. Վերցված է 2011 թ․ հոկտեմբերի 13-ին.

Արտաքին հղումներ

Վիքիպահեստն ունի նյութեր, որոնք վերաբերում են «Ջոս» հոդվածին։