Սանկտ Պետերբուրգի պետական երիտասարդական թատրոն Ֆոնտանկայի ափին
From Wikipedia, the free encyclopedia
From Wikipedia, the free encyclopedia
Սանկտ Պետերբուրգի պետական երիտասարդական թատրոն Ֆոնտանկայի ափին (ռուս.՝ Санкт-Петербургский государственный молодёжный театр на Фонтанке), թատրոն Սանկտ Պետերբուրգ քաղաքում, ՌԴ։
Սանկտ Պետերբուրգի պետական երիտասարդական թատրոն Ֆոնտանկայի ափին Санкт-Петербургский государственный молодёжный театр на Фонтанке | |
---|---|
Տեսակ | թատերական կազմակերպություն |
Տնօրեն | Լիլիա Սեմյոնովա |
Երկիր | Ռուսաստան |
Գտնվելու վայրը | Սանկտ Պետերբուրգ, ՌԴ |
Հիմնադրման ամսաթիվ | 1974 |
Նախկին անվանումներ | Լենինգրադի պետական երիտասարդական թատրոն Լենինգրադի պետական երիտասարդական թատրոն Ֆոնտանկայի ափին |
Գեղարվեստական ղեկավար | Սեմյոն Սպիվակ |
Գլխավոր ռեժիսոր | Սեմյոն Սպիվակ |
Կայք | mtfontanka.spb.ru |
Youth Theatre at Fontanka Վիքիպահեստում |
1974 թվականի դեկտեմբերի 17-ին Լենխորի անվան թատրոնի շենքում բացվեց լենինգրադյան նոր թատրոն՝ Երիտասարդական թատրոնը։ Թատրոնի անձնակազմը կազմված էր 12 անձից՝ Լենինգրադի թատերական արվեստների պետական ակադեմիայի Իգոր Վլադիմիրովի խմբի շրջանավարտներից։ Նրանց թվում էին Սերգեյ Միգիցկոն, Օլեգ Լևակովը, Վլադիմիր Մատվեևը, Լարիսա Լուպիանը։ Գլխավոր ռեժիսորը դարձավ Լենխոր թատրոնի գլխավոր ռեժիսոր Իգոր Վլադիմիրովը։ Լենխորին կից նոր թատրոնը գոյատևեց 5 տարի, իսկ հետո 1979 թվականին թատրոնը փոխանցեցին «Ստուդիո» թատերական ընկերությանը, որը ղեկավարում էր Վլադիմիր Մալիշչիցկին։ Սա արդյունք էր մի բաց նամակի, որը գրեցին Սերգեյ Յուրսկին, Գեորգի Տարատորկինը և Կոնստանտին Ռուդնիցկին՝ ի աջակցություն Մալիշչիցկու ստուդիայի։
«Մի քանի մարդ, որոնց թվում էին Գեորգի Տարատորկինը, Սերգեյ Յուրսկին, քննադատներ Կոնստանտին Ռուդնիցկին, Անատոլի Յուֆիտը, դիմեցինք Գլխավոր կոմիտե մեր թատերական ընկերությանը պետական կարգավիճակ տալու խնդրանքով։ Մեզ աջակցեց այն ժամանակվա Գլխավոր կոմիտեի պետ Սկվորցովը։ Մենք տարածք գտանք Իզմայլովի այգում։ Ճիշտ ժամանակին, երբ կուսակցության շրջանային կոմիտեի քարտուղարը արձակուրդի էր, հաջողվեց ամեն ինչ գլուխ բերել։ Հետո ինձ չէին ցանկանում հաստատել շրջանային կոմիտեում, հետո թատրոնի բացման մասին արգելվեց հայտարարել․ չկար ոչ մի պաստառ, Սկվորցովին նկատողություն հայտարարեցին[1]․․․» - Վլադիմիր Մալիշչիցկու հուշերից |
Երիտասարդական նոր թատրոնը բացվեց շաբաթ օր՝ 1980 թվականի հունվարի 18-ին՝ Բորիս Գոլլերի «Հարյուր Բեստուժև եղբայրները» ներկայացմամբ։ Առաջին մի քանի տարիների ընթացքում թատրոնում բեմադրվում էին ներկայացումներ, որ բեմադրվել էին դեռևս Լենինգրադի թատերական արվեստների պետական ակադեմիայի ստուդիայում՝ «Սոտնիկով», «Հարյուր Բեստուժև եղբայրները», «Լռության գինը», «Երկխոսություններ», «Արձակուրդ ըստ վնասվածքի» (ռուս.՝ Отпуск по ранению)։ 1982 թվականին թատրոնում բեմադրվեց «Եվ դարից երկար է տևում օրը» ներկայացումը։ Վերջինս ճանաչվում է որպես Լենինգրադի տարվա լավագույն պրեմիերան։ Այդ ժամանակ թատրոնում խաղում էին դերասաններ Վասիլի Ֆրոլովը, Ալեքսանդրա Միրոչնիկը, Նինա Ուսատովան, Յուրի Օվսյանկոն, Օլեգ Պոպկովը, Վլադիմիր Խալիֆը, Ելենա Սոլովևան, Սերգեյ Գավլիչը, Վալերի Կուխարեշինը։
1983 թվականի սեպտեմբերին մի քանի պատճառներից ելնելով (և՛ անձնական, և՛ քաղաքական) Վլադիմիր Մալիշչիցկուն փոխարինելու է գալիս Եֆիմ Պադվեն, ով մինչ այդ գլխավորում էր Փոքր դրամատիկական թատրոնը և «Տովստոնոգովի սիրելի աշակերտի» համբավ ուներ։ Թատրոնում նա բեմադրեց Վամպիլովի «Բադի որս» ներկայացումը։ Թատրոնը պահպանեց իր անունը, թատերախումբը և որոշ ներկայացումներ, սակայն փոխվեց ներքնապես, քանի որ փոխվել էր նաև գեղարվեստական ղեկավարը։
Ալեքսեյ Դուդարևի «Երեկո», Սերգեյ Կոկովկինի «Հինգ անկյուն», Ֆեոդոր Դոստոևսկու «Խաղամոլ» ներկայացումները Պադվեի բեմադրությամբ տարբեր փառատոներին մրցանակներ ստացան, իսկ Էդմոն Ռոստանի «Սիրանո դե Բերժերակ», Ալեքսանդր Վամպիլովի «Բադի որս», «Հնչում էր երաժշտությունը այգում», «Համերգ ռազմաճակատում» ներկայացումները թատրոնին մեծ ճանաչում բերեցին արտասահմանում։
Եֆիմ Պադվեն, հոգեկան և ստեղծագործական ճգնաժամ ապրելով, 1989 թվականին հանկարծակի հրաժարվեց թատրոնի ղեկավարումից և այն փոխանցեց Սեմյոն Սպիվակին՝ այն ժամանակ «Երիտասարդ թատրոն» դրամատիկական անսամբլի գլխավոր ռեժիսորին։
2007 թվականին թատրոնն ստացավ հատուկ մրցանակ՝ «Ոսկե սոֆիտ»՝ «Սիրելի Ելենա Սերգեևնա» ներկայացման բեմադրությունը վերականգնելու համար։
2010 թվականին թատրոնը տոնեց իր 30-ամյակը, հոբելյանական շաբաթվա ընթացքում «Տանգո» ներկայացմամբ բացվեց թատրոնի նոր մեծ բեմը։ Նույն թվականին էլ «Ոսկե սոֆիտ» ստացավ «Ուշ սեր» (լավագույն կանացի դեր՝ Էմիլիա Սպիվակ), «Մետրո» (լավագույն դեբյուտ՝ Սերգեյ Յացենյուկ) ներկայացումը։
ՌԴ ժողովրդական արտիստներ։
ՌԴ վաստակավոր արտիստներ։
Այլ դերասաններ
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.