Սևազգեստ տիկնոջ դիմանկարը (նկար)
Ռենուարի նկար From Wikipedia, the free encyclopedia
Ռենուարի նկար From Wikipedia, the free encyclopedia
«Սևազգեստ տիկնոջ դիմանկարը» (ֆր.՝ Portrait de femme en noir), ֆրանսիացի գեղանկարիչ, ֆրանսիական իմպրեսիոնիզմի կարկառուն ներկայացուցիչներից Պիեռ-Օգյուստ Ռենուարի նկարներից։ Կտավը հեղինակը վրձնել է 1867 թվականին։ Յուղաներկով կտավի չափերն են 65 × 55,5 սմ։ «Սևազգեստ տիկնոջ դիմանկարը» ստեղծագործությունը այսօր պահպանվում և ցուցադրվում է Էրմիտաժի թանգարանում (Սանկտ Պետերբուրգ, Ռուսաստան)։
 | |
|---|---|
 | |
| տեսակ | գեղանկար |
| նկարիչ | Օգյուստ Ռենուար[1] |
| տարի | 1876[1] |
| բարձրություն | 65,5 սանտիմետր[2] |
| լայնություն | 55,5 սանտիմետր[2] |
| ստեղծման վայր | Փարիզ |
| ուղղություն | իմպրեսիոնիզմ[1] |
| ժանր | դիմապատկեր |
| նյութ | յուղաներկ[1] և կտավ[1] |
| գտնվում է | Ձմեռային պալատ[1] |
| հավաքածու | Պետական Էրմիտաժ[1] |
| սեփականատեր | Պետական Էրմիտաժ[1] և Սերգեյ Շչուկին |
պատկերված են
| |
| կայք | |
Ծանոթագրություններ | |
 Woman in Black (c. 1876) by Pierre-Auguste Renoir in the Hermitage, Saint Petersburg Վիքիպահեստում | |
«Սևազգեստ տիկնոջ դիմանկարը» կտավում պատկերված է «ռենուարյան կնոջ» տիպիկ կեցվածք. մեծաճարտար գունային լուծումներ՝ հատկապես սևաթույր հանդերձանքի վրձնահարվածներում։ Ռենուարը այս նկարով մոտենում է իր ստեղծագործության գլուխգործոցներից մեկին՝ «Հովանոցներ» կտավին, որտեղ նույնպես սևահանդերձ կանանց է պատկերել։
Նկարի տիկնոջ անունը ցայսօր էլ անհայտ է մնում։ Կան ընդամենը մի քանի վարկածներ։ Ըստ դրանցից մեկի դիմանկարում պատկերված է տիկին Արթմանը (նոտաների հրատարակչի կինը)[3]։ Մյուս վարկածի համաձայն, որպես բնորդուհի կեցվածք է ընդունել Մոնմարտրից Աննա անունով մի կին. ի դեպ, համարվում է, որ Պիեռ-Օգյուստ Ռենուարը նրան պատկերել է «Մերկը» նկարում, որն այսօր պահպանվում է Մոսկվայի Պուշկինի անվան Կերպարվեստի թանգարանում[4]։ Արվեստագետների մոտ շրջանառվում է նաև այն վարկածը, ըստ որի բնորդուհին Հենրիետտա Հաուզեր անունով մի տիկին էր, ով առավել հայտնի էր Նանա անունով. վերջինս ֆրանսիացի գրող Էմիլ Զոլայի «Նանա» վեպի համար նախատիպ է ծառայել։ Ֆրանսիացի գեղանկարիչ, իմպրեսիոնիզմի ներկայացուցիչ Էդուարդ Մանեն նույնպես նկարել է Նանային։
«Սևազգեստ տիկնոջ դիմանկարը» ստեղծագործությունը գնել է 1900-ականների սկզբներին մոսկվացի վաճառական և կոլեկցիոներ Սերգեյ Իվանովիչ Շչուկինը։ Հոկտեմբերյան մեծ հեղափոխությունից հետո վերջինիս հավաքածուն ազգայնացվում է, և կտավը այլ նկարների հետ միասին տեղափոխվում է Մոսկվայի Նոր արևմտյան արվեստի պետական թանգարան, իսկ դրա լուծարումից հետո՝ 1948 թվականին նկարը փոխանցվում է Պետական Էրմիտաժին։ 2014 թվականի տարեվերջից ցայսօր «Սևազգեստ տիկնոջ դիմանկարը» ստեղծագործությունը պահպանվում և ցուցադրվում է Սերգեյ Շչուկինի և Մորոզով եղբայրների հիշատակի պատկերասրահում՝ Գլխավոր շտաբի շենքում (407 սրահ)[5]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
