Վազգեն Մուրադյան

Վազգեն Մուրադյան, (հոկտեմբերի 17, 1921(1921-10-17), Աշտարակ, Էջմիածնի գավառ, Հայկական ԽՍՀ - փետրվարի 18, 2018(2018-02-18), Նյու Յորք, Նյու Յորք, ԱՄՆ^[1][2]), հայ կոմպոզիտոր։ Ստեղծագործել է նվագախմբի գրեթե բոլոր գործիքների համար^[3]՝ կլարնետի^[4], տուբա^[5] tֆագոտի («Մեծ ֆագոտ»)^[6], վիոլա դ՛ամուր^[7]։

Վիքիպեդիայում կան հոդվածներ Մուրադյան ազգանունով այլ մարդկանց մասին։

Վազգեն Մուրադյան
Հիմնական տվյալներ
Ծնվել է	հոկտեմբերի 17, 1921(1921-10-17) Աշտարակ, Էջմիածնի գավառ, Հայկական ԽՍՀ
Երկիր	ԽՍՀՄ և  ԱՄՆ
Մահացել է	փետրվարի 18, 2018(2018-02-18) (96 տարեկան) Նյու Յորք, Նյու Յորք, ԱՄՆ
Մասնագիտություն	կոմպոզիտոր և կլասիցիստ
Կրթություն	Վենետիկի Բենեդետտո Մարչելլոյի անվան կոնսերվատորիա

Բանաստեղծ Գևորգ Էմինի եղբայրը։

Կենսագրություն

Վազգեն Մուրադյանը ծնվել է 1921 թվականին, Աշտարակում։ Մասնակցել է Հայրենական մեծ պատերազմին, ընկել համակենտրոնացման ճամբար, փախել Վիեննա, ապա՝ Իտալիա։ Վենետիկում ուսանել է «Բենեդետտո Մարչելլո» կոնսերվատորիայում, սովորել նվագել ջութակ և սիրո ջութ (վիոլա դ´ամուր)` դառնալով վերջինի միակ հայ մասնագետն աշխարհում։

Գրել է երգեր, խմբերգեր, սիմֆոնիկ գործեր, կոնցերտ հոբոյի և նվագախմբի համար, սոնատներ, պիեսներ դաշնամուրի, ջութակի, սիրո ջութի, հոբոյի համար, որոնք կատարվել են ԱՄՆ-ում։ 1948 թվականին ստացել է երաժշտության պրոֆեսորի կոչում և սկսել մանկավարժական գործունեությունը։ 1993 թվականին Երևանում կայացել է նրա հոբելյանական երեկոն։ 1950 թվականից բնակվում է ԱՄՆ-ի Նյու Յորք քաղաքում։ ԱՄՆ Կոմպոզիտորների և հեղինակ կատարողների միության անդամ է^[8][9]։ Վախճանվել է 2018 թվականին, Նյու Յորքում։

Մրցանակներ

• «Թեքեյան» կենտրոնի մրցանակ, Բեյրութ, 1962

Ծանոթագրություններ

1. «Vazgen Muradian». Discogs.
2. «Vazgen Muradian Obituary - Frank E. Campbell The Funeral Chapel - New York NY». m.legacy.com.
3. Morris, R. Winston (2006 թ․ նոյեմբերի 8). «Guide to the Tuba Repertoire, Second Edition: The New Tuba Source Book». Indiana University Press – via Google Books.
4. https://digital.library.unt.edu/ark:/67531/metadc3299/m2/1/high_res_d/dissertation.pdf
5. Morris, R. Winston (2006 թ․ նոյեմբերի 8). «Guide to the Tuba Repertoire, Second Edition: The New Tuba Source Book». Indiana University Press – via Google Books.
6. «The Big Bassoon - Muradian, Palider, etc, / Nigro - HBDirect Classical». www.hbdirect.com.(չաշխատող հղում)
7. Danks, Harry (1979 թ․ մայիսի 29). «The Viola D'amore». Theodore Front Music – via Google Books.
8. Ա. Բախչինյան, «Հայազգի գործիչներ»
9. «Վազգեն Մուրադյանի կենասգրությունը zarkfoundation.com կայքում».

Արտաքին հղումներ

• Vazgen Muradian/Erebuni Classics
• Վազգեն Մուրադյան