Վալդեմարաս Խոմիչյուս

Վալդեմարաս Խոմիչյուս^[1] (լիտվ.՝ Valdemaras Chomičius, մայիսի 4, 1959(1959-05-04), Կաունաս, Լիտվական ԽՍՀ, ԽՍՀՄ), խորհրդային և լիտվացի նախկին բասկետբոլիստ, խաղարկող, Լիտվայի բասկետբոլի ազգային հավաքականի օգնական մարզիչ, ԽՍՀՄ սպորտի վաստակավոր գործիչ (1982) և Լիտվայի վաստակավոր մարզիչ։

Վալդեմարաս Խոմիչյուս Valdemaras Chomičius
Դիրքը	Խաղարկող
Ի ծնե տրված անունը	Valdemaras Chomičius Վալդեմարաս Խոմիչյուս
Ծննդյան ամսաթիվ	մայիսի 4, 1959 (65 տարեկան)
Ծննդավայր	Կաունաս, Լիտվայի ԽՍՀ, ԽՍՀՄ
Ազգություն	Լիտվացի
Հասակ	1,92 մ
Կարիերայի պատմություն
Ժալգիրիս Կաունաս (1978–1989) Ֆորում Վալյադոլիդ (1989–1990) Ապրիմատիկ Բոլոնյա (1990–1991) Սարագոսա (1991–1992) Կաստորս Բրայն (1992) Շառլերուա (1992–1993) Կաստորս Բրայն (1993–1994) Մարբելլա (1994–1995) Տորեմոլինոս (1995) Մաժեյկիայ (1995–1996) Ժեմաիտիյոս Օլիմպաս (1997) Կրաիտենե Մարիյամպոլե (1998–1999)
Մեդալներ Տղամարդկանց բասկետբոլ Օլիմպիական խաղեր Ներկայացնում էր՝  ԽՍՀՄ Ոսկի Սեուլ 1988 1-ին տեղ Ներկայացնում էր՝  Լիտվա Բրոնզ Բարսելոնա 1992 3-րդ տեղ ՖԻԲԱ-ի աշխարհի առաջնություն Ներկայացնում էր՝  ԽՍՀՄ Ոսկի Կոլումբիա 1982 1-ին տեղ Եվրոպայի առաջնություն Ներկայացնում էր՝  ԽՍՀՄ Ոսկի Իտալիա 1979 1-ին տեղ Բրոնզ Ֆրանսիա 1983 3-րդ տեղ Ոսկի Արևմտյան Գերմանիա 1985 1-ին տեղ Արծաթ Հունաստան 1987 2-րդ տեղ Բրոնզ Հարավսլավիա 1989 3-րդ տեղ Ներկայացնում էր՝  Լիտվա Արծաթ Հունաստան 1995 2-րդ տեղ

Ակումբային կարիերայում առավել հայտնի է որպես Կաունասի «Ժալգիրիսի» ավագ, որի կազմում 1985-1987 թվականներին անընդմեջ հաղթել է ԽՍՀՄ առաջնությունը՝ յուրաքանչյուր անգամ առավելության հասենլով ԽՍՀՄ-ի լավագույն ակումբ համարվող «ԲԿՄԱ»-ին։

Հանդես է եկել Խորհրդային Միության և Լիտվայի բասկետբոլի ազգային հավաքականներում։ Խորհրդային Միության հավաքականի կազմում, թիմակցելով հայրենակիցներ Արվիդաս Սաբոնիսին, Շարունաս Մարչյուլյոնիսին և Ռիմաս Կուրտինայտիսին, նվաճել է ոսկե մեդալ Սեուլի 1988 թվականի ամառային օլիմպիական խաղերում (եզրափակչում պարտության մատնելով Միացյալ Նահանգների հավաքականին), ինչպես նաև հաղթել 1982 թվականին աշխարհի առաջնությունը, 1979 և 1985 թվականների Եվրոպայի առաջնությունները։ ԽՍՀՄ փլուզումից հետո ընդգրկվել է անկախ Լիտվայի ազգային հավաքականում, որի կազմում դարձել է բրոնզե մեդալակիր Բարսելոնայի 1992 թվականի օլիմպիական խաղերում, ինչպես նաև նվաճել արծաթե մեդալ 1995 թվականի Եվրոպայի առաջնության ժամանակ։

Կաունասում ունի իր անունը կրող սպորտ դպրոց։

1991 թվականին դարձել է Գինեսի ռեկորդակիր՝ մասնակցելով 24 ժամ տևող բասկետբոլային հանդիպման և իր հաշվին գրանցելով 722 միավոր։

Մրցանակներ և նվաճումներ

Որպես մարզիկ

• Օլիմպիական չեմպիոն՝ 1988, բրոնզե մեդալակիր՝ 1992
• Աշխարհի չեմպիոն՝ 1982, արծաթե մեդալակիր՝ 1986
• Եվրոպայի չեմպիոն 1979, 1985, արծաթե մեդալակիր՝ 1987, 1995, բրոնզե մեդալակիր՝ 1983, 1989
• ԽՍՀՄ չեմպիոն 1985-87, ԽՍՀՄ առաջնության արծաթե մեդալակիր՝ 1980, 1983, 1984, 1988, 1989
• Բելգիայի առաջնության արծաթե մեդալակիր՝ 1992, 1994
• Լիտվայի առաջնության արծաթե մեդալակիր՝ 1997
• Միջմայրցամաքային գավաթի տիտղոսակիր՝ 1986
• Եվրոպայի չեմպիոնների առաջնության եզրափակչի մասնակից՝ 1986
• Եվրոպայի գավաթակիրների առաջնության եզրափակչի մասնակից՝ 1984
• «Դրուժբա» միջազգային մրցույթների հաղթող՝ 1984 (Լոս Անջելեսի 1984 թվականի օլիմպիական խաղերի այլընտրանքային մրցույթ)
• Եվրոպայի երիտասարդական առաջնության չեմպիոն՝ 1978
• Համալսարանային առաջնության չեմպիոն՝ 1985

Որպես մարզիչ

• Լիտվայի առաջնության արծաթե մեդալակիր («Օլիմպասի» կազմում)՝ 1997
• Ռուսաստանի առաջնության արծաթե մեդալկիր 2007
• Ռուսաստանի առաջնության բրոնզե մեդալկիր 2010

Շքանշաններ

• «Լիտվային մատուցած ծառայությունների» շքանշան (1995)
• «Լիտվայի մեծն իշխան Գեդիմինասի» շքանշան (2003)

Գրականություն

• «100 лет российского баскетбола: история, события, люди: справочник» / В. Б. Квасков. — М.: «Советский спорт», — 274 էջ. հրատ.՝ ISBN 5-9718-0175-9

Ծանոթագրություններ

1. «Եվրալիգայի բոլոր ժամանակների մարզիկի թեկնածուներ»

Վիքիպահեստն ունի նյութեր, որոնք վերաբերում են «Վալդեմարաս Խոմիչյուս» հոդվածին։