Վիլնյով-դ’Ասկ
From Wikipedia, the free encyclopedia
Վիլնյով դ’Ասկ (ֆր.՝ Villeneuve-d’Ascq), քաղաք և համայնք Ֆրանսիայում՝ Օ դը Ֆրանս երկրամասի Հյուսիսային կամ Նոր դեպարտամենտի (Nord department) Լիլ շրջանում։ Լիլի արբանյակ-քաղաքներից մեկն է, ընկած է Լիլի կենտրոնից 6 կմ դեպի արևելք։ Այդ կարգավիճակն ունեցող բնակավայրերի շարքում տարածքով ամենաընդարձակն է (2746 հեկտար), բնակչության թվաքանակի ցուցանիշով՝ երրորդը՝ Ռուբեից և Տուրկուենից հետո, իսկ Հյուսիսային դեպարտամենտում՝ հինգերորդը։
| Բնակավայր | |||
|---|---|---|---|
| Վիլնյով-դ’Ասկ | |||
| ֆր.՝ Villeneuve-d'Ascq[1] | |||
| |||
 | |||
| Երկիր |  Ֆրանսիա | ||
| Համայնք | arrondissement of Lille?, Lille metropolis?, canton of Villeneuve-d'Ascq-Nord?, canton of Villeneuve-d'Ascq-Sud? և Նոր | ||
| Ներքին բաժանում | Annappes?, Ascq?, Brigode?, Château?, Cité scientifique?, Cousinerie?, Flers-Bourg?, Flers-Breucq?, Haute-Borne?, Hôtel-de-Ville?, Pont-de-Bois?, Prés?, Recueil?, Résidence?, Poste?, Sart-Babylone? և Triolo? | ||
| Հիմնադրված է | մարտի 25, 1970 թ. | ||
| Մակերես | 27,46 կմ² | ||
| ԲԾՄ | 29 մետր, 19 մետր, 46 մետր | ||
| Բնակչություն | ▲62 067 մարդ (հունվարի 1, 2021)[2] | ||
| Ժամային գոտի | UTC+1 և UTC+2 | ||
| Փոստային դասիչ | 59491[3], 59493[3] և 59650[3] | ||
| Պաշտոնական կայք | villeneuvedascq.fr(ֆր.) և villeneuvedascq.fr(ֆր.) | ||
| |||
.svg)
 |
Այս հոդվածը կարող է վիքիֆիկացման կարիք ունենալ Վիքիպեդիայի որակի չափանիշներին համապատասխանելու համար։ Դուք կարող եք օգնել հոդվածի բարելավմանը՝ ավելացնելով համապատասխան ներքին հղումներ և շտկելով բաժինների դասավորությունը, ինչպես նաև վիքիչափանիշներին համապատասխան այլ գործողություններ կատարելով։ |
Համայնքը ձևավորվել է 1970 թվականին Ասկ, Անապ և Ֆլեր գյուղերի միավորման արդյունքում։ Աշխարհի առաջին ավտոմատ մետրոյի ( ՎԱԼ ) օրրանն է։ Այս քաղաքում տեղի է ունեցել Ասկի արյունահեղությունը։
Վիլնյով դ՛Ասկը կոչվում է կանաչ տեխնոպոլիս՝ շնորհիվ բազմաթիվ կրթական հաստատությունների և հետազոտական կենտրոնների ( Լիլ I համալսարան, Լիլ III համալսարան ), բարձրագույն դպրոցների և ձեռնարկությունների, որոնք տեղակայված են լայնարձակ կանաչ տարածքներում։ Քաղաքը Նոր-Պա դե Կալե տարածաշրջանի կարևորագույն տնտեսական կենտրոններից մեկի կարգավիճակը պարտական է Haute Born տեխնոլոգիական պարկին և առևտրի երկու կենտրոններին։ Վիլնյով դ՛Ասկում իրենց գլխամասային գրասենյակներն են հիմնել միջազգային Bonduelle, Cofidis և Decathlon ընկերությունները։
Բացի գիտական և տնտեսական գործունեությունից, Վիլնյով-դ'Ասկը հայտնի է սպորտային միջոցառումներով (ունի երկու մարզադաշտ, որոշ թիմեր սպորտային էլիտայի մաս են կազմում), թանգարաններով (որոնցից ամենահայտնին նվիրված է մոդեռնիզմին, ժամանակակից արվեստին և ար բրյուտին ), կանաչ տարածքներով, ինչպես նաև հաշմանդամություն ունեցող անձանց համար նախատեսված ենթակառուցվածքներով։
Զբաղեցնում է 27,46 քառակուսի կիլոմետր տարածք։ Բնակչության թվաքանակը 2017 թվականի տվյալներով եղել է 63 408։
Վիլնյով դ'Ասկ համայնքը ձևավորվել է 1970 թվականին երեք բնակավայրերի՝ Ասկի, Անապի և Ֆլերի միավորմամբ։ Նպատակը եղել է ստեղծել գիտական և արդյունաբերական մեծ կենտրոն։ Քաղաքի անվան մեջ արտացոլվել է այն փաստը, որ այն նոր քաղաք է (Վիլնյով - բառացիորեն նշանակում է «նոր քաղաք») և Ասկ բնակավայրի հիշատակությունը, բնակավայր, որտեղ 1944 թվականի ապրիլի 1- ին նացիստների ձեռքով սպանվել է 86 մարդ։ Երկու անգամ՝ 1972 և 1976 թվականներին, Վիլնյով-դ'Ասկը Լիլի հետ միավորելու փորձ է արվել, երկու անգամն էլ՝ անհաջող։ 1986 թվականին Վիլնյով-դ'Ասկում բացվել է գիտական ավան (VAT):
- Ֆլեր դղյակ (Château de Flers) 17-րդ դարի դղյակ-դաստակերտ է ֆլամանդական ոճով։ Բաց է հանրության համար, դղյակի մի մասը զբաղեցնում է տեղական երկրագիտական թանգարանը
- Շատո դյու Սար / Château du Sart, 18-րդ դար, մասնավոր սեփականություն
- 11-15-րդ դարերի կառույց՝ Սուրբ Պետրոս եկեղեցի Ֆլերում, աչքի է ընկնում դասական և նեոգոթական ոճերի համադրությամբ։ Պատմական հուշարձան է
- Անապի 13-րդ դարի Սուրբ Սեբաստիան եկեղեցին
- Սուրբ Պետրոս եկեղեցին Ասկում - 15-րդ դարի շինություն, ամբողջությամբ վերակառուցված 19-րդ դարում, 9 զանգերի կարիլոնով։
- Լիլի մետրոպոլիայի ժամանակակից արվեստի թանգարանը, որը գտնվում է Վիլնյով դ'Ասկի քաղաքային զբոսայգու կենտրոնում
Ներկայումս Վիլնյով-դ'Ասկը, իր հսկայական տարածքի, բարենպաստ աշխարհագրական դիրքի (մոտ է Փարիզին և Բենիլյուքսի երկրներին) և մեծ թվով բարձր որակավորում ունեցող մասնագետների առկայության շնորհիվ, դարձել է բազմաթիվ խոշոր ընկերությունների գլխամասային գրասենյակների տեղակայման վայրը։ Դրանց թվում են Bonduelle-ը, Decathlon-ը, Cofidis ֆինանսական կորպորացիան, շոկոլադի արտադրության Bouquet d'Or ֆիրման, միանգամյա օգտագործման սպասք արտադրող Tifany Industrie-ն, Netasq տեղեկատվական խումբը, Flunch, Les 3 Brasseurs ռեստորանների ցանցերը, Pizza Paï-ն։
2007 թվականին ֆրանսիական L'Expansion բիզնես ամսագիրը Վիլնյով-դ'Ասկը բնորոշել է որպես տնտեսապես ամենաարագ զարգացող քաղաքը Ֆրանսիայում՝ մինչև 2017 թվականը 23,7% տնտեսական աճի կանխատեսմամբ, ինչը զգալիորեն գերազանցում է Լիլի, Մարսելի, Լիոնի և Փարիզի համապատասխան ցուցանիշները։
Քաղաքն ունի բազմաթիվ ուսումնական և գիտական հաստատություններ (շուրջ 42 հազար ուսանող և 2,5 հազ գիտնական)։ Երկու հիմնական կրթական հաստատություններն են Լիլ I-ի տեխնիկական համալսարանը ՝ տարածաշրջանի ամենամեծ գիտական կենտրոնը և Շառլ դը Գոլի անվան հումանիտար համալսարանը (Լիլ III): Այստեղ են գտնվում նաև տեխնոլոգիական համալսարանը, ճարտարապետական դպրոցը և մի շարք այլ հաստատություններ։
Բնակչության զբաղվածության կառուցվածքը.
- գյուղատնտեսություն՝ 0.2%
- արդյունաբերություն՝ 3,8%
- շինարարություն - 4.0%
- առևտուր, տրանսպորտ և ծառայություններ՝ 62,7%
- պետական և համայնքային ծառայություններ՝ 29,4%
Գործազրկության մակարդակը ( 2017 ) - 18.2% (ամբողջ Ֆրանսիայում՝ 12.8%, Հյուսիսային դեպարտամենտում՝ 17.2 %)։
Մեկ անձի տարեկան միջին եկամուտը՝ (2017) — 20 200 եվրո (ամբողջ Ֆրանսիայում՝ 25 140, Հյուսիսային դեպարտամենտում՝ 18 575):
Բնակչության թվաքանակի դինամիկան.
Վիլնյով դ'Ասկի քաղաքապետի պաշտոնը 2008 թվականից զբաղեցնում է Ժերար Կոդրոնը (Gérard Caudron)։ 2020 թվականի համայնքային ընտրություններում նրա գլխավորած ձախերի ցուցակը հաղթել է 2-րդ փուլում՝ ստանալով ձայների 51,09 % -ը.
| Ժամանակաշրջան | Ազգանունը | Կուսակցությունը | Նշումներ | |
|---|---|---|---|---|
| 1970 թ | 1977 թ | Ժան Դեմարե | Տարբեր աջեր | սենատոր |
| 1977 թ | 2001 թ | Ժերար Կոդրոն | Սոցիալիստական կուսակցություն | ուսուցիչ, բաժնի ընդհանուր խորհրդի անդամ, </br> Եվրախորհրդարանի պատգամավոր |
| 2001 թ | 2008 թ | Ժան-Միշել Սթիվենար | Սոցիալիստական կուսակցություն | սոցիոլոգիայի պրոֆեսոր |
| 2008 թ | Ժերար Կոդրոն | Տարբեր ձախեր | ||
Վիլնյով-դ'Ասկում կառուցվել են բազմաթիվ սպորտային օբյեկտներ։ Քաղաքն ունի 50 մետրանոց երկու լողավազան, Stadium Nord մարզադաշտ՝ 21,5 հազար նստատեղով, ֆուտբոլի 16 և ռեգբիի 2 դաշտ, մարմնամարզության համալիր։
2012 թվականին բացվել է Պիեռ Մորուայի անվան մարզադաշտը, որը տեղավորում է 50 հազար մարդ։ Այն դարձել է Լիլ ֆուտբոլային ակումբի տնային մրցավայրը, հյուրընկալել է նաև Եվրոպայի 2016 թվականի ֆուտբոլի առաջնության հանդիպումները։
- Երկրի ներսում
Ֆրանսիա, Լա Պոսեսիոն (1992)
- Արտասահմանում
Միացյալ Թագավորություն, Ստերլինգ, Միացյալ Թագավորություն (1984)
Կանադա, Գատինո (1989)
Բելգիա, Տուռնե (1994)
Հունաստան, Հայդարիոն (2001)
Գերմանիա, Լևերկուզեն (2001)
Ռումինիա, Յասի (2006)
Բենին, Վիդա (2006)
Լեհաստան, Ռացիբուժ (2007)
.svg){kind=small}
Քաղաքապետարանը
Ասկի սբ. Պետրոս եկեղեցին
Անապի սբ. Սեբաստիան եկեղեցին
Ֆլերի սբ. Պետրոս եկեղեցին
Շատո դյու Սարը
Ժամանակակից մատուռ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
