Վիկտոր I (Հռոմի պապ)
Հռոմի պապ From Wikipedia, the free encyclopedia
Հռոմի պապ From Wikipedia, the free encyclopedia
Վիկտոր I (իտալ.՝ Papa Vittore I, անհայտ, Աֆրիկա, praetorian prefecture of Italy, Հին Հռոմ - հուլիսի 28, 199, Հռոմ, Հռոմեական կայսրություն), Հռոմի պապ, ով գլխավորել է կաթոլիկ եկեղեցին 2-րդ դարի վերջում։ Ունեցել է բերբերական ծագում[1][2]։ Նրա պաշտոնավարման թվագրումը հստակ չէ։ Մի աղբյուրում նշվում է, որ նա Պապ է դարձել 189 թվականին, իսկ մահվան տարեթիվ համարվում է 199 թվականը[3]։ Նա Հռոմի առաջին եպիսկոպոսն է եղել, որ ծնվել է հռոմեական Աֆրիկյան պրովինցիայում՝ հավանաբար Լեպտիս Մագնայում։ Հետագայում դասվել է սրբերի շարքը։ Նրա հիշատակության օրը նշվում է հուլիսի 28-ին[4]։
Վիկտոր I լատին․՝ Victor I | |
Մասնագիտություն | հոգևորական |
---|---|
Ծնունդ | անհայտ Աֆրիկա, praetorian prefecture of Italy, Հին Հռոմ |
Մահ | հուլիսի 28, 199 Հռոմ, Հռոմեական կայսրություն |
Վիկտոր I պապի պաշտոնավարման ժամկետների առաջնային աղբյուրները տարբեր են, բայց դրանք վկայում են, որ այն ընդգրկել է 2-րդ դարի վե8ջին տասնամյակը։ Եվսեբիոս Կեսարացին նշում է Կոմմոդոսի տասներորդ տարին (այսինքն մ.թ. 189), և դա Լիպսիուսն ընդունում է որպես ճիշտ տարեթիվ։ Ըստ Հիերոնիմոսի մատնանշվում է Պերտինաքս կայսեր կառավարման ժամանակաշրջանը, կամ Սեպտիմիոս Սևերոսի կառավարման առաջին տարին (մ․թ․ 193), մինչդեռ հայկական աղբյուրներում նշվում է Կոմմոդոսի 7-րդ տարին (մ․թ․ 186)։ Ըստ «Liber Pontificalis» տեղեկագրքի 186 թվականն է։ «Catalogus Liberianus» գրքում, որը հանդիսանում է նախորդի գոյատեվող պատճեն, նշվում է, որ պապը գլխավորել է 9 տարի, 2 ամիս և 10 օր, հայկական աղբյուրները՝ 12 տարի, իսկ «Liber Pontificalis»-ը՝ 10 տարի։ Եվ վերջապես, Եվսեբիոսը իր «Պատմություն» գրքում նշում է, որ Վիկտորին հաջորդել է Զեփյուռինոսը Սևերոսի 9-րդ տարում։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.