Տիլիտներ
From Wikipedia, the free encyclopedia
Տիլիտներ (անգլ.՝ tillit, < till - գլաքարային կավ), հին մորեններ, որոնք կազմված են խտացման, երբեմն էլ մետամորֆիզմի ենթարկված կոպտաբեկոր չտեսակավորված գոյացումներից։ Բաղկացած են մանրահատիկ զանգվածից, որի մեջ ընդգրկված են տարբեր տրամաչափի և բաղադրության գլաքարեր։ Տիլիտներին բնորոշ են շերտայնության բացակայությունը և սառցադաշտային ակոսներով գլաքարերի առկայությունը։ Տիլիտների հիմնական զանգվածի հատիկաչափական վերլուծությունները ցույց են տալիս 0,06 մմ֊ից և նույնիսկ 0,03 մմ-ից փոքր ֆրակցիայի մեծ կամ տիրապետող դերը, այսինքն տիլիտների հիմնական զանգվածը ամբողջությամբ կազմված է «սառցադաշտային ալյուրից»։ Տիլիտների մեջ առկա են հողմահարման նկատմամբ անկայուն միներալների թարմ հատիկներ։ Տիլիտների համադրումը անթրոպոգենային մորենների հետ թույլ է տալիս ստանալ սառցադաշտային նստվածքակուտակման ընդհանուր պատկերը[1][2][3][4]։
![Thumb image](http://upload.wikimedia.org/wikipedia/commons/thumb/8/83/Glacial_till_exposed_in_roadcut-750px.jpg/640px-Glacial_till_exposed_in_roadcut-750px.jpg)