Տիրսո դե Մոլինա

Գաբրիել Տիրսո դե Մոլինա, (իսպ.՝ Tirso de Molina, իսկական անունը՝ Գաբրիել Տելես (իսպ.՝ Gabriel Téllez, մարտի 24, 1583(1583-03-24)^[1], Մադրիդ, Կաստիլիա և Լեոն^[2] - մարտի 12, 1648(1648-03-12)^[1], Ալմասան, Կաստիլիա և Լեոն), իսպանացի դրամատուրգ։ Սովորել է Ալկալա դե Էնարեսի համալսարանում։ Բարձր պաշտոններ է վարել մերսենարյան միաբանությունում, որի պատմագիրն է դարձել 1632 թվականներից։ Առաջին գիրքը՝ «Տոլեդյան վիլլաներ» (1621-1624), ժանրային առումով մոտ է հովվերգական վեպին։ 1627-1636 թվականներին Տիրսո դե Մոլինան հրատարակել է պիեսների 5 ժողովածու։ Երրորդ գրքի առաջաբանում նշել է, որ ինքը հեղինակ է 400 պիեսի (պահպանվել է շուրջ 90)։ Գրել է պատմական, աստվածաշնչային և սրբախոսական թեմաներով պիեսներ, կրոնափիլիսոփայական դրամաներ, ինչպես նաև կատակերգություններ։ Տիրսո դե Մոլինան զարգացրել է Լ․ Ֆ․ դե Վեգա Կարպիոյի Վերածննդի դրամայի սկզբունքները։ Միաժամանակ, նրա ստեղծագործության մեջ, որ արդեն բարոկկոյի դարաշրջանին էր պատկանում, արտահայտվել է մարդկային բնության հանդեպ հումանիստական հավատի կորուստը և հիասթափությունը սիրուց։ Տիրսո դե Մոլինաի պիեսներում մարմնավորվել է ամենայն ինչի անստույգ, թատերական և խաբուսիկ լինելու գաղափարը։ Նրա առավել նշանավոր դրաման է «Սևիլյան աղմկարարը կամ Քարե հյուրը» (1619-1920․հրտատակվել է 1630, որտեղ համաշխարհային գրականության մեջ առաջին անգամ մշակվել է Դոն ժուանի մասին ավանդազրույցը։

Տիրսո դե Մոլինա իսպ.՝ Tirso de Molina
Ծննդյան անուն	իսպ.՝ Gabriel José López y Telléz
Ծնվել է	մարտի 24, 1583(1583-03-24)[1]
Ծննդավայր	Մադրիդ, Կաստիլիա և Լեոն[2]
Վախճանվել է	մարտի 12, 1648(1648-03-12)[1] (64 տարեկան)
Վախճանի վայր	Ալմասան, Կաստիլիա և Լեոն
Գերեզման	Ալմասան
Գրական անուն	Tirso de Molina
Մասնագիտություն	դրամատուրգ, բանաստեղծ, գրող և պատմաբան
Լեզու	իսպաներեն
Քաղաքացիություն	Իսպանիա
Կրթություն	Ալկալայի համալսարան
Գիտական աստիճան	աստվածաբանության դոկտոր
Ժանրեր	պոեզիա, թատրոն և կատակերգություն
Գրական ուղղություններ	բարոկկոյի գրականություն
Tirso de Molina Վիքիպահեստում

Ծանոթագրություններ

1. https://www.babelio.com/auteur/-/85910
2. Deutsche Nationalbibliothek Record #118642863 // Gemeinsame Normdatei (գերմ.) — 2012—2016.

Վիքիպահեստն ունի նյութեր, որոնք վերաբերում են «Տիրսո դե Մոլինա» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 12, էջ 19)։