Ադոլֆ Յուշկևիչ

Ադոլֆ-Անդրեյ Պավլովիչ Յուշկևիչ (ռուս.՝ Адо́льф-Андре́й Па́влович Юшке́вич, հուլիսի 15, 1906(1906-07-15)^[1][2], Օդեսա, Ռուսական կայսրություն - հուլիսի 17, 1993(1993-07-17)^[1], Մոսկվա, Ռուսաստան^[1]), խորհրդային մաթեմատիկայի պատմաբան, որն առաջատար փորձագետ էր Արևելքի միջնադարյան մաթեմատիկայի և Լեոնարդ Էյլերի աշխատությունների բնագավառում։ Ջորջ Սարտոնի մեդալի դափնեկիր։

Ադոլֆ Յուշկևիչ ռուս.՝ Адольф Павлович Юшкевич
Ծնվել է	հուլիսի 15, 1906(1906-07-15)[1][2] Օդեսա, Ռուսական կայսրություն
Մահացել է	հուլիսի 17, 1993(1993-07-17)[1] (87 տարեկան) Մոսկվա, Ռուսաստան[1]
Գերեզման	Դոնսկոե գերեզմանատուն
Քաղաքացիություն	ԽՍՀՄ,  Ռուսական կայսրություն և  Ռուսաստան
Ազգություն	հրեա
Մասնագիտություն	մաթեմատիկոս, մաթեմատիկայի պատմաբան, պատմաբան, համալսարանի դասախոս և միջնադարի պատմաբան
Հաստատություն(ներ)	ՌԳԱ Ս. Վավիլովի անվան բնագիտության և տեխնիկայի պատմության ինստիտուտ[3] և Մոսկվայի Ն. Բաումանի անվան պետական տեխնիկական համալսարան[3]
Գործունեության ոլորտ	Մաթեմատիկայի պատմություն
Պաշտոն(ներ)	նախագահ
Անդամակցություն	Լեոպոլդինա
Ալմա մատեր	Մոսկվայի պետական համալսարան (1929)[3]
Կոչում	պրոֆեսոր[4]
Գիտական աստիճան	ֆիզիկամաթեմատիկական գիտությունների դոկտոր[4]
Տիրապետում է լեզուներին	ռուսերեն[5][6]
Գիտական ղեկավար	Դմիտրի Եգորով
Եղել է գիտական ղեկավար	Fedor Andreevich Medvedev?[7], V. V. Gussov?[7], Valentin Ivanovich Lysenko?[7], Petris-Al'girdis Boleslavovich Paplauskas?[7], V. I. Antropova?[7], A. I. Volodarsky?[7], Sergey Demidov?[7], V. A. Dobrovolsky?[7], N. S. Ermolaeva?[7], I. I. Simonov?[7] և Իզաբելլա Բաշմակովա[7]
Պարգևներ	Kenneth O. May Prize? [1] George Sarton Medal? [1] Koyré Medal? [1] և honorary doctor of Paris 13 University? [8]
Երեխա(ներ)	Alexander Yushkevich?
Հայր	Pavel Yushkevich?
Adolf P. Youschkevitch Վիքիպահեստում

Կենսագրություն

Յուշկևիչը ծնվել է Ռուսական կայսրության Օդեսա քաղաքում՝ հրեաների ընտանիքում^[9]։ Հայրը՝ Պավել Յուշկրիչը, Սորբոնի համալսարանն ավարտած փիլիսոփա և մաթեմատիկոս էր^[9], ակտիվ էր քաղաքականության մեջ որպես մենշևիկ։ Հորեղբայրը՝ Սեմյոն Սոլոմոնովիչ Յուշկևիչը, հայտնի հրեա գրող էր^[9]։ Յուշկևիչը մեծացել է Սանկտ Պետերբուրգում և հետագայում տեղափոխվել Փարիզ, որտեղ ապրել է մինչև 1917 թվականի Ռուսական հեղափոխություն, երբ Յուշկևիչի ընտանիքը վերադարձավ Օդեսա։ Որոշ ժամանակ Սոֆյա Յանովսկայան գիմնազիայում Յուշկևիչի ուսուցիչն էր^[10]։

1923 թվականին Յուշկրիչը սկսում է սովորել Մոսկվայի պետական համալսարանի մաթեմատիկայի ֆակուլտետում։ Իր դոկտորական ղեկավարը Դմիտրի Եգորովն էր, բայց նա գիտությունների թեկնածուի կոչում ստացել է առանց պաշտպանության։ 1930-1952 թվականներին աշխատել է Մոսկվայի Ն. Բաումանի անվան պետական տեխնիկական համալսարանում, որտեղ 1940 թվականին դարձել է դասախոս, իսկ 1941 թվականից՝ մաթեմատիկայի բաժնի ղեկավար^[9]։ 1941-1943 թվականներին էվակուացվել է Իժևսկ` Մոսկվայի Ն. Բաումանի անվան պետական տեխնիկական համալսարանի հետ միասին։ 1952 թվականից^[11] մինչև թոշակի անցնելը աշխատել է Վավիլովի անվան բնական պատմության ինստիտուտում որպես գիտաշխատող։

Յուշկրիչը հրատարակել է ավելի քան 300 աշխատություն մաթեմատիկայի պատմության բնագավառում^[10]։ Իր աշխատանքի համար ստացել է բազմաթիվ մրցանակներ, այդ թվում՝ Ջորջ Սարտոնի մեդալ (1978)^[12], Կոյրեի մեդալ (1971)^[13], Քեննեթ Օ. Մայի մրցանակ (1989)^[14], Գերմանիայի գիտությունների ակադեմիայի մրցանակ (1978 և 1983 թվականներին)^[15] և Ֆրանսիայի գիտությունների ակադեմիայի մրցանակ (1982)^[15]։ Բազմաթիվ արտասահմանյան ակադեմիաների, այդ թվում՝ Լեոպոլդինայի ադամ^[11]։ 1965-1968 թվականներին եղել է Գիտության պատմության միջազգային ակադեմիայի նախագահ^[15]։

Յուշկևիչը մահացել է Մոսկվայում 1993 թվականի հուլիսի 17-ին^[9]։ Իր անձնական գրադարանը կտակել է Վավիլովի անվան ինստիտուտին։