Ադրբեջանի դրոշ

Ադրբեջանի դրոշը (ադրբ.՝ Azərbaycan bayrağı) - կապույտ, կարմիր և կանաչ գույներով (վերևից ներքև), հավասարաչափ հորիզոնական շերտերով ուղղանկյուն պաստառ է՝ լայնքի և երկայնքի 1։ 2 հարաբերակցությամբ։ Դրոշի կենտրոնում գտնվում են սպիտակ լուսնեղջյուր և ութանկյուն աստղ^[1]։

Ադրբեջանի դրոշ
Տեսակ	ազգային դրոշ
Իրավասության տարածք	Ադրբեջան
Օգտագործում
Նշան	🇦🇿
Հարաբերություն	1:2
Ընդունված է	նոյեմբերի 9, 1918
Գույներ	Կապույտ     Կարմիր     Կանաչ     Սպիտակ
Պատկերված է	աստղ և լուսնեղջյուր, լուսնեղջյուր, դաշտ և ութանկյուն աստղ
Նախագծող	Ալի բեյ Հուսեյնզադե

Պատմություն

Առաջին անգամ պաշտոնապես ընդունվել է Ադրբեջանի Դեմոկրատական Հանրապետության խորհրդարանի կողմից 1918 թ. հունիսի 21-ին, ապա փոխարինվել է Ադրբեջանի Խորհրդային Հանրապետության դրոշով^[2]։ 1991-ի փետրվարի 5-ին կայացված որոշմամբ և Ադրբեջանի սահմանադրության մեջ օրինականացված հոդվածով վերահաստատվել է նախկին դրոշը^[3][4]։

• 
  Ադրբեջանի Դեմոկրատական Հանրապետության դրոշը
• 
  Ադրբեջանի Խորհրդային Սոցիալիստական Հանրապետության դրոշը
• 
  Ադրբեջանի Դեմոկրատական Հանրապետության առաջին դրոշը (հունիսի 24 - նոյեմբերի 9, 1918)

Գույների իմաստները

Կապույտ գույնը խորհրդանշում է թյուրքական ծագումը, կարմիրը` առաջընթացը, սոցալիստական դեմոկրատիան, կանաչը` իսլամական քաղաքակրթությունը, կիսալուսինը` իսլամը<sup>[5]</sup>։ Ութ թևանի աստղը խորհրդանշում է ադրբեջանական 8 ցեղերը։ Մեկ ուրիշ տարբերակի համաձայն ութ թևանի աստղը խորհրդանշում է արաբերենում Ադրբեջանի 8 տառերը (արաբերեն` أذربيجان):

Ադրբեջանի դրոշը տարբեր վայրերում

• 
  Ադրբեջանի զինված ուժերը ռազմական ցուցադրության ժամանակ: Մոսկվա, 2010 թ. Մայիսի 9-ին
• 
  Ադրբեջանի ռազմաօդային ուժերը զորահանդեսի ժամանակ: Բաքու, 2013
• 
  Ադրբեջանը ձմեռային օլիմպիական խաղերում: Վանկուվեր, 2010 թ․
• 
  Ադրբեջանի Հանրապետության փոստային նամականիշ, 2011 թ.
• 
  Ադրբեջանի դրոշը