Աննա Գրիգորյան (դերասան)

Աննա Հրաչյայի Գրիգորյան (հոկտեմբերի 27, 1991(1991-10-27), Երևան, Հայաստան), հայ դերասանուհի, մոդել, հաղորդավարուհի^[1]։

Անվան այլ կիրառումների համար տե՛ս՝ Աննա Գրիգորյան (այլ կիրառումներ)

Վիքիպեդիայում կան հոդվածներ Գրիգորյան ազգանունով այլ մարդկանց մասին։

Աննա Հրաչյայի Գրիգորյան
Ծնվել է	հոկտեմբերի 27, 1991(1991-10-27) (33 տարեկան)
Ծննդավայր	Երևան, Հայաստան
Քաղաքացիություն	Հայաստան
Կրթություն	Երևանի Սմբատ Բյուրատի անվան թիվ 125 դպրոց
Մասնագիտություն	դերասանուհի, հաղորդավար և մոդել
Աշխատանք	2010-2018
Աշխատատու	Ա-ԹիՎի, Արմենիա Թի-Վի և Շանթ հեռուստաընկերություն

Կենսագրություն

Աննա Հրաչյայի Գրիգորյանը ծնվել է 1991 թվականի հոկտեմբերի 27-ին, Երևանում։ 2008 թվականին ավարտել է Երևանի Սմբատ Բյուրատի անվան թիվ 125 դպրոցը՝ ընդունվելով Երևանի Վ․ Բրյուսովի անվան պետական լեզվահասարակագիտական համալսարանի օտար լեզուների ֆակուլտետ։ 2010-2015 թվականներին աշխատել է «ATV» հեռուստաընկերությունում, վարելով «Բրենդ թայմ», «Հրաշալի յոթնյակ» հաղորդումները և «Եկ այս գիշեր» հեռուստաշոուն։ 2010 թվականից նկարահանվել է մի շարք գովազդային հոլովակներում, ամսագրերում, որոնցից է Տոնի Շերվինոյի հետ համագործակցությունը։ 2013 թվականին դարձել է «Միսս Էլիտ Մոդել Լուք Հայաստան», իսկ 2014 թվականին` «Miss Asia Pacific World Supertalant» մրցույթների հաղթող։ Հաղթել է նաև «Miss Grand Vocal» անվանակարգում։ 2014 թվականին դարձել է «Luxury Տարվա մարդիկ» մրցույթի «Տարվա մոդել»^[2]։

Ֆիլմագրություն

• Մամա-2013 թվական
• Դոմինո-2015 թվական
• Որոգայթ-2015 թվական
• Քարտ բլանշ-2016 թվական^[3]
• Ռեստարտ 2020-2016 թվական^[4]։
• Ոսկե դպրոց-2017-2018 թվականներ