Արծրուն Աբրահամյան

Արծրուն Աբրահամի Աբրահամյան (հոկտեմբերի 25, 1909(1909-10-25)^[1][2], Արճեշ, Վանի վիլայեթ, Օսմանյան կայսրություն^[1][2] - սեպտեմբերի 17, 1978(1978-09-17)^[2], Երևան, Հայկական ԽՍՀ, ԽՍՀՄ^[2]), հայ քիմիկոս, քիմիական գիտությունների դոկտոր (1971)։

Վիքիպեդիայում կան հոդվածներ Աբրահամյան ազգանունով այլ մարդկանց մասին։

Արծրուն Աբրահամյան
Ծնվել է	հոկտեմբերի 25, 1909(1909-10-25)[1][2] Արճեշ, Վանի վիլայեթ, Օսմանյան կայսրություն[1][2]
Մահացել է	սեպտեմբերի 17, 1978(1978-09-17)[2] (68 տարեկան) Երևան, Հայկական ԽՍՀ, ԽՍՀՄ[2]
Գերեզման	Թոխմախի կենտրոնական գերեզմանատուն
Ազգություն	հայ
Մասնագիտություն	քիմիկոս և դասախոս
Հաստատություն(ներ)	Հայաստանի ազգային ագրարային համալսարան[1] և Նուրբ օրգանական քիմիայի ինստիտուտ[1]
Ալմա մատեր	Հայկական պետական մանկավարժական համալսարան (1931)[1] և ՀԱՊՀ (1936)[1]
Կոչում	պրոֆեսոր[2]
Գիտական աստիճան	քիմիական գիտությունների դոկտոր[1][2] (1971)
Կուսակցություն	ԽՄԿԿ[1]

Կենսագրություն

Ծնվել է 1909 թ. հոկտեմբերի 25-ին, Արճեշում։ Ավարտել է Երևանի մանկավարժական (1931) և պոլիտեխնիկական (1936) ինստիտուտները։ 1941–1958 թթ.-ին ղեկավարել է գյուղատնտեսական ինստիտուտի ընդհանուր քիմիայի ամբիոնը, իսկ 1958 թ.-ից՝ ՀԽՍՀ ԳԱ օրգանական քիմիայի ինստիտուտի ֆիզիկա-քիմիական և օրգանական անալիզի լաբորատորիան։

Զբաղվել է Հայաստանի պեմզաների և տուֆերի ադսորբցիոն հատկությունների ուսումնասիրությամբ և օրգանական նյութերում ածխածնի, ջրածնի, հալոգենների, ծծմբի, սնդիկի և այլ տարրերի միկրոանալիզի եղանակների մշակմամբ։

Երկեր

• Քրոմպիկ / Արծրունի Աբրահամյան, Յերևան, Պետական հրատարակչություն, 1937։
• Ֆիզիկական և կոլոիդ քիմիա։ Դասախոս.՝ կարդացված Հայկ. գյուղատնտ. ին-տում 1954-1955 ուս. տարում / Ա. Ա. Աբրահամյան, ԽՍՀՄ Բարձրագույն կրթ. մինիստր.; Հայկ. գյուղատնտ. ին-տ., Աբրահամյան Արծրուն Աբրահամի, Հայկական գյուղատնտեսական ինստիտուտ, Երևան, Ա. հ., 1955:
• Ընդհանուր և անօրգանական քիմիա։ Օգնություն Գյուղատնտեսական ին-տի հեռակա բաժնի ուսանողներին / Ա. Աբրահամյան, ԽՍՀՄ Բարձրագույն կրթության մինիստր., Հայկ. Գյուղատնտ. ին-տ., Աբրահամյան Արծրուն Աբրահամի, Երևան, Ա. հ., 1955:
• Ցուցումներ ֆիզիկական և կոլլուդ քիմիաների գործնական աշխատանքների վերաբերյալ։ Ա. Աբրահամյան, Լ. Ավդալյան, ԽՍՀՄ Գյուղատնտ. մինիստր., Հայկ. Գյուղատնտ. ին-տ., Երևան, Ա. հ., 1957:
• Ցուցումներ ընդհանուր և անօրգանական քիմիաների գործնական աշխատանքների վերաբերյալ։ Ա. Ա. Աբրահամյան, ԽՍՀՄ գյուղատնտ. մին-թյուն; Հայկ. գյուղատնտ. ին-տ. Ընդհանուր քիմ. ամբիոն, Երևան, Ա. հ, 1958։
• Օրգանական միացությունների քանակական միկրոէլեմենտար անալիզ, Երևան, 1963։
• Совместное количественное микроопределение элементов в органических соединениях / А. А. Абрамян, ИОХ АН АрмССР., Ереван, Изд-во АН АрмССР, 1974.