Բեռնար Կազոնի

Բեռնար Ռենե Միշել Կազոնի (սեպտեմբերի 4, 1961(1961-09-04)^[1], Կանն), ֆրանսիացի ֆուտբոլային մարզիչ և նախկին պրոֆեսիոնալ խաղացող, որը հանդես է եկել որպես պաշտպան։ Իր խաղային կարիերայի ընթացքում հանդես է եկել Մարսելի «Օլիմպիկում» և Ֆրանսիայի ազգային հավաքականում, որի հետ մասնակցել է «Եվրո 1992»-ին։

Բեռնար Կազոնի ֆր.՝ Bernard Casoni
Քաղաքացիությունը	Ֆրանսիա
Ծննդյան ամսաթիվ	սեպտեմբերի 4, 1961(1961-09-04)[1] (63 տարեկան)
Ծննդավայր	Կանն
Հասակ	177 սանտիմետր
Քաշ	66 կիլոգրամ
Դիրք	կենտրոնական պաշտպան և full-back

Կարիերա

Մարզչական կարիերա

Էվիան

2010 թվականի հունվարին Կազոնին նշանակվել է «Էվիան Թոնոն Գայարդ» ակումբի մարզիչ, որի հետ ունեցել է երկու հաջորդական առաջխաղացում։ Նրա մարզչական առաջին տարում թիմը հասել է Ազգային առաջնության լիգայի գագաթնակետին, իսկ հետո հաջորդ մրցաշրջանում անցել է Լիգա 2։ 2010–11 մրցաշրջանում Լիգա 2-ում Էվիանը երկրորդ տարին անընդմեջ նվաճել է չեմպիոնի տիտղոսը և ապահովել առաջխաղացումը Լիգա 1՝ 2003 թվականին հիմնադրվելուց հետո առաջին անգամ։ Նա ինքնակամ հեռացել է իր պաշտոնից 2012 թվականի հունվարի 2-ին՝ սեզոնի ձմեռային ընդմիջմանը։

Օսեր

2014 թվականի մարտի 17-ին Կազոնին հեռացվել է «Էյ-Ժի Օսերի» մարզչի պաշտոնից, երբ ակումբն ընդամենը մեկ միավորով է բարձր եղել երկրորդ կարգի անցման գոտուց ^[2]։

Վիդեոտոն

2015 թվականի հունիսի 10-ին Կազոնին նշանակվել է Հունգարիայի լիգայի «Վիդեոտոն» (Սեկեշֆեհերվար) ակումբի մարզիչ^[3]։ 2015 թվականի օգոստոսի 19-ին Կազոնին հեռացվել է «Վիդետոնից»՝ 2015-16 մրցաշրջանում «Նեմզետի Բայնոքսագ I»-ի հինգ խաղերում չորս պարտությունից հետո, և ՈՒԵՖԱ-ի Չեմպիոնների լիգայի 2015-16 մրցաշրջանում մեկ հաղթանակից ու երկու ոչ-ոքիից և մեկ պարտությունից հետո։ Կազոնիի վաղ հեռանալու վրա մեծապես ազդեց «Վիդեոտոն» ակումբի տնօրեն Գյոզո Բուրչայի հրաժարականը^[4]։

Հունգարական Nemzeti Sport ամսագրին տված հարցազրույցում Կազոնին ասել է, որ ինքը հիասթափված է «Վիդեոտոնից», քանի որ ակումբը թույլ է տվել իր հիմնական խաղացողներին (Նիկոլիչ, Կալաթայուդ և Շանդոր) այլ ակումբներ տեղափոխվել, և ոչ մի նոր որակյալ խաղացող ձեռք չի բերել՝ նրանց փոխարինելու համար։ Հարցազրույցում նա նաև ասել է, որ Ադամ Գյուրչոյի և Իսթվան Կովաչի նման խաղացողները միջին որակի են^[5]։

Ալ-Խոր ՍԿ

2018 թվականի սեպտեմբերի 25-ին Կազոնին նշանակվել է «Ալ-Խոր» ակումբի նոր գլխավոր մարզիչ^[6]։

Նվաճումներ

Խաղացող

Մարսել

• Դիվիզիոն 1ի հաղթող - 1990–91, փոխչեմպիոն՝ 1991–92
• ՈՒԵՖԱ Չեմպիոնների լիգայի հաղթող՝ 1992–93, փոխչեմպիոն՝ 1990–91
• Դիվիզիոն 2 - 1994–95

Մարզիչ

Վիդեոտոն

• Հունգարիայի Սուպերգավաթի խաղարկության փոխչեմպիոն - 2015 թվական